Tavarabarot Biełarusi z krainami ES źniziŭsia bolš čym na 8%

U studzieni-kastryčniku 2010 hoda adbyŭsia rost abjomaŭ źniešniaha handlu Biełarusi z mnohimi krainami. Nahadajem, pavodle vynikaŭ 2009 hoda naziraŭsia spad tavaraabarotu.

Pavodle źviestak Nacyjanalnaha statystyčnaha kamiteta, u cełym abjom źniešniaha handlu tavarami za hety pieryjad pavialičyŭsia ŭ paraŭnańni sa studzieniem-kastryčnikam 2009 hoda na 17,7% i skłaŭ 46 młrd. 688,9 młn. dołaraŭ. Pry hetym ekspart pavialičyŭsia na 17% i skłaŭ 19 młrd. 878,2 młn. dołaraŭ ZŠA, impart — na 18,2% (26 młrd. 810,7 młn.).

Pry hetym tavaraabarot z krainami ES źniziŭsia na 8,4% da 11 młrd. 448,7 młn. dołaraŭ, u tym liku ekspart źniziŭsia na 22,1% (5 młrd. 700,9 młn. dołaraŭ), impart uzros na 10,8% (5 młrd. 747,8 tys. dołaraŭ). Admoŭnaje salda skłała 46,9 młn. dołaraŭ.

Asnoŭnymi handlovymi partniorami Biełarusi byli: Rasija (47,1% ahulnaha abjomu tavaraabarotu),

Ukraina (7,5%), Niderłandy (5%), Hiermanija (4,8%), Kitaj (3,6%), Polšča (3,4%), Vieniesueła (2,4%), Łatvija (1,7%), Vialikabrytanija i Italija (pa 1,6%).

Z ahulnaha abjomu biełaruskaha ekspartu na dolu Rasii prypadała 40,2%, inšych krain SND — 15,1%, krain ES — 28,7%, astatnich krain — 16%. Impart z Rasii skłaŭ 52,2% ahulnaha abjomu impartu, inšych krain SND — 6,9%, krain ES — 21,4%, astatnich krain — 19,5%.

Ekspart tavaraŭ u Rasiju skłaŭ 7 młrd. 999,1 młn. dołaraŭ ZŠA, što na 48,6% bolš, čym za studzień-kastryčnik 2009 hoda; impart z Rasii — 14 młrd. 0,3 młn. (na 5,1% bolš).

Abjom ekspartu va Ukrainu dasiahnuŭ 2 młrd. 57,8 młn. dołaraŭ (na 55,3% bolš), impartu ŭ Biełaruś — 1 młrd. 426,4 młn. (na 39,2% bolš).

U Niderłandy ekspartavana tavaraŭ na 2 młrd. 76,6 młn. dołaraŭ (na 29,1% mienš za pakazčyk studzienia-kastryčnika 2009 hoda), impartavana — na 237,8 młn. (na 28,1% bolš).

U Hiermaniju ŭ studzieni-kastryčniku 2010 hoda ekspartavana tavaraŭ na 383,8 młn. dołaraŭ (na 49% mienš), impartavana — na 1 młrd. 836,2 młn. (na 5% bolš).

Abjom ekspartu ŭ Kitaj skłaŭ 381,7 młn. dołaraŭ (u 2,7 razu bolš), impartu — 1 młrd. 278,3 młn. (na 49,1% bolš).

Ekspart u Polšču skłaŭ 756,8 młn. (na 13,6% bolš), impart z hetaj dziaržavy — 821,9 młn. (na 31,2% bolš).

U ZŠA ekspart uzros u 1,8 razu i skłaŭ 60,8 młn., impart źniziŭsia na 6,5% da 333,8 młn. dołaraŭ.

U Vieniesuełu abjom ekspartu skłaŭ 245,7 młn. dołaraŭ (na 38,3% bolš), impartu — 857,5 młn. (letaś tavary nie impartavalisia).

• 0
• 0
• 0
• 0
• 0
• 0
• 0
• 0