Biełaruś raźmiaściła dziaržablihacyj na 7 młrd rasijskich rubloŭ
Arhanizatarami vypusku vystupili try banki Rasii — «Aščadny bank»,«Alfa-bank» i «Hazprambank».
Pavodle infarmacyi
Ahulny popyt na ablihacyi skłaŭ 8,15 młrd. rubloŭ. Termin abaračeńnia vypusku — 2 hady.
Namieśnik staršyni praŭleńnia «Aščadnaha banka» Beła Złatkis zajaviła, što raźmiaščeńnie biełaruskich rublovych ablihacyj — «važny krok na šlachu stvareńnia ŭ Maskvie mižnarodnaha finansavaha centra». «Dla ažyćciaŭleńnia takoj navatarskaj ździełki na terytoryi Rasii my praviali tytaničnuju pracu razam ź biełaruskimi i rasijskimi dziaržaŭnymi orhanami pa harmanizacyi zakanadaŭstva. U vyniku my atrymali pieršy praktyčny vopyt, jaki dazvolić aktyvizavać prychod zamiežnych emitentaŭ na rasijski rynak kapitału», — zajaviła pradstaŭnik «Aščadnaha banka».
Raźmiaščeńnie pieršaha tranša vypusku było namiečana na 25 listapada, adnak biełaruski bok pieranios jaho na niapeŭny termin, tłumačačy heta niestabilnaściu suśvietnaha finansavaha rynku.
«Kali rynki buduć spryjalnyja, to my prapanujem Biełarusi zrabić raźmiaščeńnie sioleta, — zajaviła žurnalistam 30 listapada Beła Złatkis. — Ja pierakanana, što staŭka 8,75% hadavych vyklučna łajalnaja, i pry inflacyi 8% ź nievialikim — heta vielmi nizkaja marža. Ja nie dumaju, što možna zrabić tańniej».
Biełaruś stała pieršym zamiežnym emitentam, jakija nie źjaŭlajecca mižnarodnaj finansavaj arhanizacyjaj, što atrymaŭ dazvoł na publičnaje raźmiaščeńnie i abaračeńnie svaich kaštoŭnych papier u Rasii.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary