Valeryj Drančuk, baćkapres-sakratara Uładzimira Niaklajeva Julii Rymašeŭskaj, viečaram 23 śniežnia pieradaŭ zajavu ab niezakonnaści pastanovy suda Pieršamajskaha rajona stalicy ab aryšcie Rymašeŭskaj u sud Minska i prakuraturu Pieršamajskaha rajona. Pra heta paviedamiŭ brat Rymašeŭskajpres-sakratar biełaruskaha kamiteta ŭ abaronu pravoŭ źniavolenych «Nad barjeram» Cimafiej Drančuk.
Nahadajem, Rymašeŭskaja była zatrymana 20 śniežnia pryblizna ŭ 2.00 u pieradvybarnym štabie Uładzimira Niaklajeva pa adrasie: vulica Niamiha, 42. 20 śniežnia sud Pieršamajskaha rajona Minska pryhavaryŭ jaje da administracyjnaha aryštu na 13 sutak. Sud abvinavaciŭ jaje va ŭdziele ŭ niesankcyjanavanaj akcyi, niahledziačy na toje što padčas akcyi jana pastajanna znachodziłasia ŭ
U svajoj zajavie Valeryj Drančuk zaznačaje, što 19–20 śniežnia jaho dačka vykonvała svaje słužbovyja abaviazki jak žurnalist. Aprača taho, svaje słužbovyja abaviazki jana vykonvała ŭ pieradvybarnym štabie Uładzimira Niaklajeva, jaki nie pakidała z 18.30 19 śniežnia prykładna da 2.00 20 śniežnia, kali była aryštavana ŭ hetym ža pamiaškańni.
U zajavie Valeryj Drančuk zaznačyŭ, što ŭ sudzie Pieršamajskaha rajona, dzie razhladałasia administracyjnaja sprava, Rymašeŭskaja padrabiazna paviedamiła pra toje, što jana nie brała ŭdzieł u mirnaj demanstracyi, vykonvała svaje słužbovyja abaviazki ŭ štabie Niaklajeva i što hetyja pakazańni mohuć paćvierdzić dziesiatki žurnalistaŭ, jakija znachodzilisia pobač ź joj u štabie, a taksama supracoŭniki bryhady chutkaj dapamohi, jakija prybyvali ŭ štab dla akazańnia dapamohi źbitamu Niaklajevu.
«Supracoŭnik prakuratury Pieršamajskaha rajona, jaki prymaŭ zajavu, pahadziŭsia z vysnovami Valeryja Drančuka i paviedamiŭ, što 24 śniežnia budzie pryznačany adkazny za razhlad hetaj zajavy supracoŭnik prakuratury. Taksama pradstaŭnik prakuratury vykazaŭ mierkavańnie, što aryšt Julii Rymašeŭskaj źjaŭlajecca pamyłkaj sudździ z pryčyny vialikaha napłyvu administracyjnych spraŭ u dačynieńni da ŭdzielnikaŭ, i vykazaŭ upeŭnienaść u tym, što ŭ samy chutki čas prakuratura adnović zakonnaść», — zaznačyŭ Cimafiej Drančuk.
Pra papiarednija vyniki pravierki zajavy budzie viadoma 24 śniežnia.
Kamientary