Zajava Rasijskaha PEN-centra ŭ abaronu Uładzimira Niaklajeva
Rasijski PEN-centr hłyboka aburany aryštam adnaho z kiraŭnikoŭ Biełaruskaha PEN-centra Uładzimira Niaklajeva, viadomaha biełaruskaha paeta, prazaika, hramadskaha dziejača, łaŭreata šerahu prafiesijnych i dziaržaŭnych uznaharodaŭ za litaraturnuju dziejnaść. U Rasii dobra viedajuć tvorčaść Uładzimira Niaklajeva. U kastryčniku 2010 hoda ŭ Maskvie ŭ pierakładzie šerahu rasijskich paetaŭ, z pradmovaj Jaŭhienija Jeŭtušenki, vyjšła jaho novaja kniha vieršaŭ «Akno».
19 śniežnia kandydat u prezidenty Biełarusi Uładzimir Niaklajeŭ byŭ žorstka źbity pa darozie na Kastryčnickuju płošču, jamu navat nie dali dajechać da mitynhu. Z čerapna-mazhavoj traŭmaj, u nieśviadomym stanie jon byŭ dastaŭleny ŭ balnicu, a adtul vykradzieny ludźmi ŭ cyvilnym, što vyklikaje asablivuju tryvohu va ŭsich, chto pamiataje pra sposaby raspravy A. Łukašenki sa svaimi palityčnymi supraciŭnikami (V. Hančarom, Ju. Zacharankam, Dz. Zavadskim i inš.) Napadu padvierhnuŭsia i inšy apazicyjny kandydat u prezidenty — Mikałaj Statkievič. 17 čałaviek, jakija ŭdzielničali ŭ akcyjach pratestu, abvinavačvajucca ŭładami Biełarusi pa spravie, raspačataj na padstavie č. 1 i 2 art. 293 KK (masavyja biesparadki). Siarod ich — šeść byłych kandydataŭ u prezidenty: Uładzimir Niaklajeŭ, Andrej Sańnikaŭ, Mikałaj Statkievič, Vital Rymašeŭski, Ryhor Kastusioŭ, Aleś Michalevič. Im pahražaje pazbaŭleńnie voli da 15 hadoŭ.
Abapirajučysia na Chartyju Mižnarodnaha PEN-kłuba, u jakoj, u pryvatnaści, skazana, što «… nieabchodnaje prasoŭvańnie čałaviectva da bolš vysokim formaŭ palityčnaj i ekanamičnaj arhanizacyi patrabuje svabodnaj krytyki ŭrada, orhanaŭ kiravańnia i palityčnych instytutaŭ», my
patrabujem nieadkładnaha vyzvaleńnia Uładzimira Niaklajeva i jaho paplečnikaŭ i ličym absurdnymi i niepravamiernymi dziejańni ŭładaŭ Biełarusi — dziaržavy, jakaja nibyta prytrymlivajecca demakratyčnych pryncypaŭ kiravańnia.
Staršynia — Andrej Bitaŭ
Namieśnik staršyni — Alaksiej Simanaŭ
Čalcy Vykankama — Leŭ Cimafiejeŭ, Juna Moryc, Alaksandr Haradnicki, Ludmiła Ulickaja
Kamientary