Polski sud asudziŭ rasijskaha raźviedčyka na try hady pazbaŭleńnia voli,piša brytanskaja hazieta The Daily Telegraph. Pražyŭšy ŭ krainie 10 hadoŭ, jon nie zajmaŭsia kankretnaj raźviedvalnaj dziejnaściu, ale byŭ tak zvanym «śpiačym ahientam», čakajučy svajho času.
Svabodna vałodajučy polskaj movaj i pracujučy ŭ firmie pa handli łaziernymi prycełami dla palaŭničaj zbroi, Tadevuš, abo TJ (jaho sapraŭdnaje imia zastałosia nieviadomym), byŭ važnaj častkaj špijonskaj sietki rasijskaj vajennaj raźviedki, pierakananyja polskija śpiecsłužby.
Sudździa ŭ prysudzie adznačyŭ, što Tadevuš dobra vałodaŭ navykami šyfravańnia i padtrymlivaŭ pastajannyja kantakty sa svaimi kuratarami ŭ Maskvie praz ultrasučasnyja sistemy suviazi, zamaskiravanyja pad zvyčajnaje elektronnaje abstalavańnie.
Ź mierkavańniaŭ biaśpieki pasiedžańni suda prachodzili ŭ zakrytym režymie. Sam abvinavačvany admaŭlaŭ svaju vinu i śćviardžaŭ, što abstalavańnie kupiŭ na rynku.
Kali ŭ polskich śpiecsłužbaŭ uźnikli padazreńni ŭ špijonskaj dziejnaści rasijca, jany naładzili za im nazirańnie, jakoje praciahvałasia niekalki miesiacaŭ. U lutym 2009 jon byŭ zatrymany polskimi kontrraźviedčykami z Ahienctva ŭnutranaj biaśpieki i z tych časoŭ znachodzicca pad aryštam. Vyśvietliłasia, što jon uvachodziŭ u palaŭničy kłub, u liku udzielnikaŭ jakoha — niekalki polskich adstaŭnych hienierałaŭ, da jakich jamu ŭdałosia ŭvajści ŭ davier.
Pra aryšt stała viadoma tolki ŭ studzieni hetaha hoda, kali ŭ spravazdačy Ahienctva ŭnutranaj biaśpieki źjaviłasia paviedamleńnie ab zatrymańni «hramadzianina Rasijskaj Fiederacyi, jaki padazrajecca ŭ dziejnaści na karyść rasijskaj vajennaj raźviedki HRU». Tam ža havaryłasia, što bolš za dziesiać hadoŭ jon «dziejničaŭ na škodu Respublicy Polšča». Ale chutčej za ŭsio, polskija śpiecsłužby aścierahalisia, što paśla 10 hadoŭ śpiački jon byŭ aktyvavany, tamu i aryštavali jaho. Adzin z aficeraŭ kontrraźviedki skazaŭ, što dziejnaść ruskaha «rabiłasia ŭsio bolš varožaj i škodnaj.
Pavodle niekatorych dadzienych, padčas zatrymańnia rasijec sprabavaŭ supraciŭlacca. Darečy, u Polščy nie vyklučajuć, što jaho pravał staŭ pryčynaj adstaŭki načalnika HRU hienierała Karabielnikava.
Polskija ŚMI charaktaryzujuć padsudnaha jak
«kłasičnaha nielehała, jaki nie maje, vierahodna, ničoha ahulnaha z rasijskim pasolstvam».Kali ŭ červieni hetaha hoda spatrebiłasia farmalna padoŭžyć aryšt «pana Tadevuša», pradstaŭnica apielacyjnaha suda ŭ Varšavie sudździa Barbara Trembska abhruntavała dalejšaje ŭtrymańnie jaho pad vartaj «značnaj hramadskaj škodaj» jahonych dziejańniaŭ, a taksama «pahrozaj vialikaha pakarańnia i pavieličeńniem ciažkaści śledstva ŭ vypadku vyzvaleńnia padazravanaha» .
Ułady tak i nie patłumačyli, na jakuju mienavita infarmacyju palavaŭ nieprykmietny handlar prycełami dla palaŭničych strelbaŭ. Ekśpierty kažuć, što ŭ apošnija hady Polšča pačała pryciahvać uvahu rasijskich raźviedvalnych słužbaŭ. Bo praź jaje terytoryju pralahajuć stratehičnyja važnyja
Na pracesie prysutničaŭ supracoŭnik rasijskaha pasolstva, ale nijakich kamientaroŭ ad Maskvy nie było. Advakat skazaŭ, što jaho padabaronny, mahčyma, apratestuje prysud. Abvinavačańnie prasiła pryznačyć piać hadoŭ pazbaŭleńnia voli. Za ŭdzieł u raźviedvalnaj dziejnaści suprać Polščy termin pakarańnia moža skłaści ad adnaho da dziesiaci hadoŭ.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ8
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary