Sajuz piśmieńnikaŭ: Jakavienka patrabuje adstaŭki Paškieviča ŭ haziecie Čarhinca
Vasil Jakavienka ŭ «LiMie» apublikavaŭ artykuł, u jakim vykazaŭ pretenzii da pracy kiraŭnika SBP.
Vasil Jakavienka ŭ «LiMie» apublikavaŭ artykuł, u jakim vykazaŭ pretenzii da pracy kiraŭnika SBP.
«Nie, heta ŭžo nie humar i nie satyra, heta čystaja drama, jakuju pieražyvaje Sajuz biełaruskich piśmieńnikaŭ,
pryčym ciapier nie stolki z-za błakady zvonku, kolki pa subjektyŭnych pryčynach, pa nieabačlivaści, pa roznych chibach jahonaha kiraŭnictva».
Sp. Jakavienka, jaki źjaŭlajecca staršynioj revizijnaj kamisii SBP, piša ab
«złoŭžyvańni słužbovym stanoviščam kiraŭnika A.Paškieviča dy rastranžyrvańni im hramadskich srodkaŭ».
Jon adznačaje, što paśla zvarotu kamisii da Rady nakont Alesia Paškieviča, apošni «sfalsifikavaŭ rašeńnie Rady na svaju karyść» i «ŭvohule admoviŭsia ad dalejšaha supracoŭnictva z revizijnaj kamisijaj».
Piśmieńnik zakidaje, što «viarchuška SBP, jak praviła, absłuhoŭvaje svaich prychilnikaŭ-siabrukoŭ, zabyvajučy pry hetym pra astatni skład abjadnańnia».
«Prapanuju Radzie razhledzieć pytańnie ab adstaŭcy dziejučaha staršyni SBP i praviadzieńni daterminovaha źjezdu Sajuza biełaruskich piśmieńnikaŭ»,
— padsumavaŭ u svaim artykule Vasil Jakavienka.
Heta nie pieršy vypadak, kali siabry Sajuza biełaruskich piśmieńnikaŭ abvinavačvajuć kiraŭnika hramadskaha abjadnańnia ŭ niesumlennaści. U vieraśni źjaŭviŭsia artykuł «Miljaniery-žabraki, abo Dziŭnaje isnavańnie Sajuza biełaruskich piśmieńnikaŭ».
Staršynia Sajuza biełaruskich piśmieńnikaŭ Aleś Paškievič kamientuje artykuł.
— Nie paścipliŭsia sp. Jakavienka, kab pajści da našych apanientaŭ.
Ničoha novaha jon u svaim artykule nie znajšoŭ, a nanoŭ tyražuje ničym nie padmacavanyja fakty. Paśla paklopnickaj publikacyi «Miljaniery-žabraki…», zroblenaj pa navodcy sp. Jakavienki, źjaviłasia zajava Rady SBP. Dumałasia, što hetym była pastaŭlena kropka. Ale pravakatary nie dremluć. Pierakanany, što boh bačyć kruciala.
Sp. Jakavienka parušaje Statut SBP, vystupajučy ad imia revizijnaj kamisii. Bo jon nie sabraŭ kvorum kamisii. U čas, kali jon vybraŭ «zmahacca» z «djabłami», litaratary zaniatyja inšymi prablemami ŭ Biełarusi.
Pastavić kropku ŭ spravie abrazy mianie i maich siabroŭ pavinien sud.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary