Centrvybarkam nie zadavoliŭ skarhu kandydata ŭ prezidenty Ryhora Kastusiova ab pryznańni vybaraŭ niesapraŭdnymi. Takoje rašeńnie členy CVK adnahałosna pryniali 24 śniežnia.
Abhruntavańnie skarhi Kastusiova zajmaje 38 staronak. Jašče 363 staronki składaje dadatak z skarhami naziralnikaŭ, jakija jany padavali ŭ vybarčyja kamisii roznaha ŭzroŭniu i prakuraturu. Na dumku kandydata, «šmatlikija fakty najhrubiejšaha parušeńnia nacyjanalnaha vybarčaha zakanadaŭstva i vykarystańnia schavanaha administracyjnaha resursu i biudžetnych srodkaŭ pry praviadzieńni vybaraŭ paŭpłyvali na ich vyniki ŭ cełym pa krainie».
Pry razhladzie skarhi člen CVK Nadzieja Kisialova zajaviła, što vybary možna pryznać niesapraŭdnymi, kali pamyłki i parušeńni paŭpłyvali na vyniki vybarčaj kampanii ŭ cełym pa krainy. Adnak, na jaje dumku, mnohija dakumienty, prykładzienyja da skarhi Kastusiova, da spravy nie adnosiacca, niekatoryja fakty ŭžo praviaralisia vybarčymi kamisijami i prakuraturaj, a niekatoryja — niemahčyma pravieryć.
Kisialova taksama zajaviła, što
pa Miensku surjoznych parušeńniaŭ niama,akramia vypadku, kali ŭ kabinu dla hałasavańnia ŭvajšoŭ nie adzin, a dva čałavieki. Takaja situacyja (adsutnaść surjoznych parušeńniaŭ) nazirajecca i pa inšych rehijonach, zapeŭniła jana.
«Dapuskaju, što dzieści parušaŭsia paradak padliku hałasoŭ, ale hetyja parušeńni nasili pracesualny charaktar i nie stavili za metu skazić vyniki volevyjaŭleńnia vybarščykaŭ», — zajaviła Kisialova.
Kastusioŭ taksama prasiŭ CVK ličyć svaju skarhu padadzienaj i ad tych kandydataŭ u prezidenty, jakija pazbaŭlenyja mahčymaści heta zrabić
Adnak Kisialova zajaviła, što skarha — tolki Kastusiova, bo astatnija kandydaty ŭ prezidenty jaje nie padpisali.
Sam Kastusioŭ na pasiadžeńnie nie źjaviŭsia, bo «nie bačyć u hetym sensu».
Siabra CVK z pravam daradčaha hołasu ad Kastusiova Aleś Łahviniec zajaviŭ: «Kali b naziralnikam, sumlennym členam vybarčych kamisij dali mahčymaść spraviadliva pravodzić i sačyć za vybarami, abaviazkova byŭ by, prynamsi, druhi tur. U vybarščykaŭ zabrali prava abirać, prachodzić praces samapryznačeńnia Łukašenku prezydentam».
Łahviniec nazvaŭ členaŭ CVK saŭdzielnikami niezakonnych dziejańniaŭ Alaksandra Łukašenki. Jašče adzin člen CVK z pravam daradčaha hołasu ad kandydata ŭ prezidenty Andreja Sańnikava Jury Chadyka padtrymaŭ mierkavańnie, što vybary nielha ličyć spraviadlivymi.
Siabra CVK z pravam daradčaha hołasu ad Alaksieja Michaleviča Kanstancin Łukašoŭ zaklikaŭ CVK nie śpiašacca z zaćviardžeńniem vynikaŭ vybaraŭ i prapanavaŭ spačatku vyzvalić zatrymanych kandydataŭ u prezidenty.
U adkaz na heta kiraŭnik CVK Lidzija Jarmošyna zajaviła: «Palitykany niezakonna zaklikali na płošču. Jak darosłyja ludzi, jany pavinny byli pradbačyć nastupstva. Toje, što adbyłosia, nielha prabačyć, bo stajała pahroza žyćciu ludziej».
Jarmošyna taksama ličyć, što inšyja kandydaty ŭ prezidenty nie dali b novych dakładnych faktaŭ ab parušeńniach padčas vybaraŭ.
Členy CVK adnahałosna admovili ŭ zadavalnieńni skarhi Kastusiova i adchilili prapanovu chadajničać ab vyzvaleńni zatrymanych kandydataŭ.
