24 śniežnia Centrvybarkam abnarodavaŭ kančatkovyja vyniki prezidenckich vybaraŭ u Biełarusi.
U vybarach uziali ŭdzieł 6.441.031 hramadzian, abo 90,65% vybarščykaŭ.
Alaksandr Łukašenka — 79,65%
Andrej Sańnikaŭ — 2,43%
Jarasłaŭ Ramančuk — 1,98%
Ryhor Kastusioŭ nabraŭ 1,97% hałasoŭ vybarščykaŭ
Uładzimir Niaklajeŭ — 1,78%
Viktar Ciareščanka — 1,19%
Vital Rymašeŭski — 1,09%
Mikałaj Statkievič — 1,05%
Alaksiej Michalevič — 1,02%
Dźmitryj Us — 0,39%
Suprać usich prahałasavali 6,47% vybarščykaŭ.
Jak zajaviŭ sakratar CVK Mikałaj Łazavik, źmieny ŭ vybarčaje zakanadaŭstva «pryviali da libieralizacyi vybarčaha pracesu na ŭsich etapach vybaraŭ».
«Byli stvorany ŭmovy dla svabodnaha zboru podpisaŭ, ahitacyi. U cełym kampanija prajšła spakojna, adnak šerah kandydataŭ parušaŭ pravaparadak, — zaŭvažyŭ Łazavik. — Stavili zadaču dabicca niepryznańnia vybaraŭ mižnarodnymi strukturami. Destruktyŭnuju pazicyju zaniali hetak zvanyja pravaabaroncy i inšyja arhanizacyi, adnak ich zaduma pravaliłasia».
Pavodle słoŭ Łazavika, bolšaść naziralnikaŭ pryznali vybary demakratyčnymi. Što da zaklučeńnia misii BDIPČ ABSIE, to ŭ im, miarkuje sakratar CVK, «adsutničaje acenka ab niespraviadlivaści vybaraŭ». Jany zaznačyli, što Biełaruś jašče čakaje šlach da demakratyzacyi, skazaŭ Łazavik i dadaŭ, što na takuju acenku paŭpłyvali padziei ŭ Minsku viečaram 19 śniežnia.
CVK pryznaŭ, što vybary adbylisia, a Alaksandra Łukašenku — abranym prezidentam.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary