Śviatłana Kalinkina: Hatovaja stać nacyjanalistkaj

Rasijskaja staŭka tolki na Łukašenku pastaviła znak roŭnaści pamiž staŭleńniem biełaruskaha hramadstva da jaho i da Rasiei jak dziaržavie, jaho patranuje. Piša Śviatłana Kalinkina.

Što budzie, kali Rasieja biezumoŭna pryznaje "tryumf" Łukašenki?

My z majoj siabroŭkaj Aniaj prahnazujem rezki rost u Biełarusi antyrasiejskich nastrojaŭ. Ania ruskaja, rodam z Kujbyšava, i, viadoma, ja na jaje adras słovy drennaha nie skažu i nikomu nie dazvolu. Antyruskich nastrojaŭ u Biełarusi niama i być nie moža. Ale voś antyrasijskija -- nieprymańnie Rasii jak dziaržavy -- hatovyja vyplesnucca navonki.

Składana skazać, jaki ciapier pracent biełarusaŭ, dla jakich Rasija 24 śniežnia moža pieratvarycca ŭ padstupnaha i biespryncypnaha susieda, ź jakim biez asablivaj patreby lepš nie mieć nijakich spraŭ. Napiaredadni ciapierašnich prezidenckich vybaraŭ byli razhromlenyja apošnija niezaležnyja sacyjałahičnyja centry, tamu aryjentavacca ŭ realnych hramadskich nastrojach składana. Ale tym, chto prymaje za praŭdu ŭžo ahučanyja biełaruskim Centravybarkamam papiarednija vyniki prezidenckich vybaraŭ, rekamienduju hladzieć na rečy ćviaroza.

Šmat hadoŭ nazirajučy za Łukašenkam, ja viedaju, što

kali b u jaho było 80% padtrymki, jon by skarystaŭsia mahčymaściu dla tryumfu.

A potym, pravioŭšy niadoŭhija manipulacyi, abviaścili ab "ašałamlalnaj pieramozie Alaksandra Ryhoraviča".

Pavodle dadzienych, ahučanych ministram zamiežnych spraŭ Polščy Radasłavam Sikorskim, Łukašenka nabraŭ tolki 40% hałasoŭ. Heta bolš, čym chto-niebudź z supiernikaŭ, ale ŭ pieršym tury jon nie pieramoh.

Pa infarmacyi z tych minskich vybarčych učastkaŭ, dzie naziralnikam ŭsio-taki ŭdałosia damahčysia realnaha padliku hałasoŭ, za Łukašenku było 30--35% biuleteniaŭ.

Vychodzić, što

antyrasijskija nastroi hatovyja ŭspychnuć u 60--70% darosłaha nasielnictva Biełarusi.

Čamu ja ŭviazvaju hetyja ličby? Tamu što Rasija zaŭsiody padtrymlivała Łukašenku i lehitymizavała jaho režym. I tyja, chto na hetych vybarach hałasavaŭ suprać dziejnaha prezidenta, hałasavali suprać takoj palityki ŭschodniaha susieda. Rasijskaja staŭka tolki na Łukašenku pastaviła znak roŭnaści pamiž staŭleńniem biełaruskaha hramadstva da jaho i da Rasii jak dziaržavy, jaho patranuje.

Biełaruski Centrvybarkam 24 śniežnia hatovy abjavić kančatkovyja vyniki vybaraŭ i nie sumniavajecca ŭ pieramozie Łukašenki. Na praciahu apošniaha dnia, kali supierniki dziejnaha prezidenta mahli asprečyć hetyja vyniki, kiraŭnik CVK zajaŭlała, što vybary prajšli nastolki vydatna, što nichto z kandydataŭ pretenzij nie vykazaŭ.

Prosta biaźmiežny cynizm! Tamu što piać apanientaŭ Łukašenki i kiraŭniki ich pieradvybarnych štaboŭ znachodziacca ŭ SIZA KDB, adkul nijakich skarhaŭ padać prosta nie mohuć. Da mnohich jašče navat nie puścili advakataŭ, hetym ludziam realna pahražaje da 15 hadoŭ turmy.

Tyja ž kandydaty, jakija na voli, albo razdušanyja maralna, abo ŭvieś dzień praviali ŭ KDB na dopytach. Prosta niejkim cudam kandydat ad Biełaruskaha Narodnaha Frontu Ryhor Kastusioŭ ŭsio-taki paśpieŭ papsavać heta "nichto nie asprečyŭ". Vyjšaŭšy ad śledčaha KDB, jon navat nie staŭ adkazvać ni na adno pytańnie žurnalistaŭ, tamu što śpiašaŭsia dabiehčy da CVK, kab padać zajavu z patrabavańniem nie pryznavać vyniki takich vybaraŭ.

Internet pierapoŭnieny fota-, videa-i audyjośviedčańniami taho, što adbyłosia ŭ Minsku paśla zakryćcia vybarčych učastkaŭ. Na kadrach vyrazna vidać, jak bjuć škło ŭ Domie ŭrada; jak kandydaty hetych ludziej adciahvała ad budynka i zaklikajuć šmattysiačny natoŭp nie paddavacca na pravakacyi; jak "šturmavik", raskałaciŭšy škło, paviedamlaje kamuści ŭ rukavo ab vykananym zadańni i zadam-zadam adychodzić ad demanstrantaŭ...

Jak śpiecnaz, ciarpliva dačakaŭšysia, kali telekamiery zafiksujuć razhrom, vyskokvaje z budynka i pačynaje źbivać ŭsich zapar: dubinkami, nahami, pa hałavie, pa pavalenych, pa žančynach...

Pierapoŭnienyja śledčyja izalatary, žorstka źbityja kandydaty ŭ prezidenty, cełuju noč pa Minsku idzie palavańnie na aktyvistaŭ pieradvybarčych štaboŭ, uzłomvajuć dźviery, uryvajucca ŭ kvatery, pa ŭsim horadzie iduć pieratrusy i aryšty, kanfiskavanaja infarmacyja pa niezaležnym nazirańni za vybarami, aryštavanyja pravaabaroncy...

Taki realny "tryumf" Łukašenka na hetych vybarach - dziki, nieapraŭdana žorstki, cyničny, iłžyvy.

Kali prezident Rasijskaj Fiederacyi pavinšuje jaho z takoj pieramohaj, to pamiž Łukašenka i Rasijaj dla mnohich biełarusaŭ budzie stajać znak roŭnaści.

U pieršy raz, u 1994 hodzie, my jaho abrali sami. Ale paśla hetaha ŭ Biełarusi sapraŭdnych vybaraŭ užo nie było: tolki Rasija, a ŭśled za joj krainy SND nazyvali toje, što adbyvałasia, vybarami. Faktyčna Rasija svaim aŭtarytetam i ŭpłyvam rabiła Łukašenku nie samazvancam, a prezidentam. I kali Rasija, niahledziačy ni na što, padtrymaje jaho i hetym razam, kali nie dałučycca da Jeŭropy i ZŠA i nie zapatrabuje vyzvalić usich kandydataŭ, to my z Aniaj -- biełaruska i ruskaja -- staniem rusafobkami, nacyjanalistkami -- nazyvajcie nas jak chočacie. My nie viedajem, kolki takich, jak my, ale paśla hetych vybaraŭ upeŭnienyja, što nas šmat.

U pierśpiektyvie nastupstvy poŭnaj i absalutnaj padtrymki Rasijaj biełaruskaha kiraŭnika, biezumoŭnaj zhody z usim, što jon robić sa svaim narodam, ihnaravańnia i pa sutnaści spravy zdrady biełaruskaj apazicyi, ź jakoj u Maskvie da vybaraŭ aktyŭna viali pieramovy, buduć vielmi balučyja dla Rasii. Kali siońnia prezident Rasii nie padtrymaje ludziej, kinutych u biełaruskija turmy, kali pryznaje, što biezzakońnie -- heta ŭnutranaja sprava Biełarusi, to jon pavinien vyrazna razumieć, čym abierniecca takaja pazicyja ŭ budučyni.

Jak tolki Łukašenka stracić uładu, Biełaruś adskočyć ad Rasii da Zachadu jak ad čumy. A Łukašenka nie budzie kiravać viečna. Rana ci pozna jon stracić uładu.

Ja vielmi spadziajusia, što heta adbudziecca chutka.

• 0
• 0
• 0
• 0
• 0
• 0
• 0
• 0