Hetaja kniha oj jak nie spadabajecca biełaruskim nacyjanalistam!
Samy kaniec 2010 hodu padaryŭ biełaruskamoŭnamu čytaču knihu ab Hrunvaldskaj bitvie.U jubilejny hod publikacyj na hetuju temu była proćma, adnak praca litoŭskaha historyka Miečysłovasa Jučasa biełarusam zapomnicca nadoŭha. Asabliva takim, jakija ščyra nazyvajuć Vitaŭta biełaruskim kniaziem, a pieramohu pad Hrunvaldam ličać ledźvie nie sprobaj zasnavalnikaŭ Połacka padparadkavać sabie Jeŭropu.
Miečysłovas Jučas piša zusim ab inšaj Hrunvaldskaj bitvie. Dla jaho jana — častka šmatviekavoha supraćstajańnia bałtyjskich i niamieckich plamionaŭ. A taksama bekhraund asabistaha kanfliktu Vitaŭta i Jahajły. Jučas dastatkova znakamity ŭ Litvie daśledčyk dla taho, kab «Hrunvaldskuju bitvu» možna było nazvać aficyjnaj litoŭskaj viersijaj. I ŭ hetaj viersii miesca dla biełarusaŭ vielmi mała. Cikaŭnyja mohuć pasprabavać znajści zhadki ab roli słavianskaj častki nasielnictva VKŁ u vajnie z kryžakami. U aŭtara hetych radkoŭ nie atrymałasia. Jak nie atrymałasia taksama znajści spasyłki na pracy biełaruskich historykaŭ.
Knihu varta mieć usim, chto chacia b kryšku cikavicca historyjaj VKŁ. Jana daść mahčymaść pabačyć historyju Vialikaha Kniastva litoŭskimi vačyma.
Pytajciesia ŭ raspaŭsiudnikaŭ časopisa «Arche» i niezaležnych handlaroŭ.
Miečysłovas Jučas, Hrunvaldskaja bitva, — Vilnia: Instytut biełarusistyki; Biełastok, Biełaruskaje histaryčnaje tavarystva, 2010. — 243 s.
Kamientary