U ofisie Biełaruskaha Chielsinkskaha Kamiteta i na kvatery staršyni arhanizacyi siońnia byŭ praviedzieny pieratrus.
U ofisie BCHK i na kvatery staršyni arhanizacyi siońnia byŭ praviedzieny pieratrus.
5 studzienia ŭ sieradu ŭ ofis arhanizacyi pryjšli 4 supracoŭniki KDB i pradjavili pastanovu na pieratrus, padpisanuju prakuroram Minska Mikałajem Kulikom. U pastanovie było paznačana, što śledstva maje źviestki pra mahčymuju najaŭnaść u arhanizacyi materyjałaŭ, źviazanych z masavymi biesparadkami ŭ Minsku 19 śniežnia. Pieratrus na afisie BCHK skončyŭsia ŭ 12.20. Supracoŭniki KDB apisali kampjutary i źvieźli ich z saboj. Paśla skančeńnia pieratrusu na ofisie arhanizacyi kadebešniki pajechali na kvateru Aleha Hułaka.
«U mianie supracoŭniki śpiecsłužbaŭ ničoha nie apisali i z kvatery nie vynieśli», – paviedamiŭ «Našaj Nivie»Aleh Hułak. Pa jaho słovach, viziciory syšli ad jaho a pałovie na treciuju.
Pravaabaronca prakamientavaŭ dziejańni śpiecsłužbaŭ u dačynieńni da pravaabarončych arhanizacyj, redakcyj niezaležnych ŚMI i ŭdzielnikaŭ padziej 19 śniežnia. «Ja nie baču sensu ŭ tym, kab na nas, pravaabaroncaŭ, mahli paviesić udzieł u masavych akcyjach. Ale hetyja dziejańni, naturalna, adrasavanyja i nam. Kab paŭpłyvać na našu pracu, destabilizavać jaje». Aleh Hułak ličyć, što ŭ šyrokim sensie vał represij suprać pradstaŭnikoŭ niezaležnaha hramadstva źjaŭlajecca sihnałam Jeŭropie, kab taja nie mieła iluzij nakont mahčymaściaŭ damaŭlacca z aficyjnym Minskam.
Kamientary