«Českaje pasolstva ŭ Miensku maje namier nie spahaniać płatu za vizy dla niekatorych katehoryj biełaruskich hramadzianaŭ. Heta robicca u rečyščy padtrymki hramadzianskaj supolnaści i namahańniaŭ pa demakratyzacyi Biełarusi»,paviedamiła siońnia radyjo «Svaboda» sa spasyłkaj na presavaha sakratara českaha MZS Vita Kołarža.
«Z ulikam padziejaŭ paśla prezidenckich vybaraŭ Českaja Respublika budzie razhladać dalejšyja mahčymaści palahčeńnia vizavaha režymu dla biełaruskich hramadzian», — skazaŭ Vit Kołarž.
Adnak u ambasadzie Čechii u Minsku karespandentu «Našaj Nivy» pakul nijak nie zmahli prakamientavać hetuju infarmacyju. «Ja nie vałodaju infarmacyjaj na hety kont. Pakul konsulski adździeł pracuje ŭ zvyčajnym režymie», paviedamiŭ kiraŭnik českaha konsulstva Marcin Čech.
Nahadajem, što naprykancy minułaha hodu Polšča pryniała rašeńnie admianić dla biełarusaŭ apłatu za atrymańnie nacyjanalnaj vizy. A siońnia stała viadoma ab padobnych zachadach z boku Litvy.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary