14-ty padazravany pa spravie «ab biesparadkach» — Alaksandr Kviatkievič
Pravaabarončy centr «Viasna» atrymaŭ infarmacyju, što jašče adnym (čatrynaccatym, pa našych źviestkach) padazravanym pa kryminalnaj spravie ab masavych biesparadkach źjaŭlajecca Alaksandr Kviatkievič, jaki ŭžo adbyŭ12-sutačny aryšt na Akreścina za ŭdzieł u akcyi pratestu 19 śniežnia.
31 śniežnia Alaksandr Kviatkievič byŭ vyzvaleny paśla zakančeńnia administratyŭnaha aryštu. Uviečary 4 studzienia dadomu da jaho pryjšoŭ nieviadomy čałaviek u cyvilnym, jaki nie pradstaviŭsia, u supravadžeńni ŭčastkovaha. Pradstaŭniki pravaachoŭnych orhanaŭ skazali, što nieabchodna pravieści niekatoryja dadatkovyja dziejańni ŭ adnosinach da Alaksandra (daktyłaskapija, dadatkoavyja zdymki i inš.), tamu maładomu čałavieku treba pajści ź imi. Udakładnili, što ŭsio heta zojmie nie bolš za 3 sutak.
Adnak paśla zakančeńnia 3 sutak Alaksandr Kviatkievič dadomu nie viarnuŭsia, a maci stała viadoma, što ŭviečary 6 studzienia jon byŭ pieraviedzieny ŭ SIZA na vuł. Vaładarskaha ŭ jakaści padazravanaha pa kryminalnaj spravie ab masavych biesparadkach.
Kamientary