Jarmošynaj padorać aluminievuju kastrulu
Staršynia CVK Biełarusi pierakanaŭča pieramahła ŭ zmahańni za premiju «Seksist hoda-2010».
Staršynia CVK Biełarusi pierakanaŭča pieramahła ŭ zmahańni za premiju «Seksist hoda-2010».
12 studzienia zaviaršyłasia hałasavańnie za naminantaŭ na internet-premiju «Seksist hoda-2010», zasnavanuju inicyjatyŭnaj hrupaj «Za fieminizm». Na śpiecyjalny pryz siarod inšych pretendavała staršynia Centrvybarkamu Biełarusi Lidzija Jarmošyna, za svajo vykazvańnie pra žančynaŭ, što ŭdzielničali ŭ padziejach 19 śniežnia ŭ Minsku.
Jarmošyna z samaha pačatku zachapiła lidarstva nie tolki ŭ svajoj naminacyi, ale i ŭ konkursie ŭ cełym.
13 studzienia byli ahučanyja vyniki hałasavańnia. Pavodle ich pierakanaŭčuju pieramohu atrymała staršynia CVK. Tolki ličby: pa vynikach hałasavańnia za Jarmošynu addali hałasy 2714 čałaviek (90%, bolš, čym za Łukašenku na prezidenckich vybarach u 2006-m), za jaje kankurentak razam uziatych – tolki 288, a ŭsiaho ŭ hałasavańni pa ŭsich naminacyjach uziali ŭdzieł 4646 čałaviek.
Inicyjatary premii ŭličyli kałasalny adryŭ Lidzii Jarmošynaj ad kankurentaŭ – hałoŭny pryz nakirujecca ŭ Minsk. «U nas nie było sumnievaŭ, što forma pryza pavinna być źviazanaja z barščom ... Pamiž apałonikam i kastrulaj, my vybrali kastrulu. Sapraŭdnuju rodnuju aluminievuju kastrulu. Upeŭnienyja, spansiravany samimi biełarusami pryz – aluminievaja kastrula ajčynnaj (RB) vytvorčaści, dosyć jarka vykazvaje mierkavańnie hramadzian ab tym, što žančyna, jakaja dazvalaje sabie padobnyja vykazvańni, zasłuhoŭvaje sama być adpraŭlenaj dadomu na kuchniu zamiest zajmanaj pasady kiraŭnika CVK», – havorycca ŭ abhruntavańni takoha rašeńnia.
Konkurs mieŭ 3 naminacyi:
I.Seksist hoda (asabisty zalik). Naminavalisia aŭtary seksisckich vykazvańniaŭ.
II.Seksisckaja rekłama hoda (kamandny zalik). Naminavalisia videa-i aŭdyjo-roliki, a taksama rekłama ŭ drukavanych ŚMI i vonkavaja rekłama.
III.Śpiecyjalny pryz dla žančyn, jakija robiać antyžanočyja zajavy (vykazvańni).
Adkrytaje internet-hałasavańnie ładziłasia z 4 pa 12 studzienia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary