Knihi adnaho z najlepšych paetaŭ sučasnaj Biełarusi raptoŭna źnikli z prodažu.
Jak paviedamlaje «Jeŭraradyjo», z prodažu źnikli knihi paeta,eks-kandydata ŭ prezidenty Uładzimira Niaklajeva: ni ŭ adnoj bujnoj kniharni ich niama, ale i pra fakt zabarony nichto ničoha nie viedaje. «NN» padklučyłasia da pošukaŭ knih Niaklajeva.
U «Kniharni piśmieńnika» na pytańnie, ci jość u prodažy knihi Niaklajeva, karespandentu «NN» paviedamili:
— Paru miesiacaŭ tamu była kniha z «Knihazboru» — adzin asobnik. Jaho kupili, i bolš knih Niaklajeva nam nie pryvozili — mahčyma, nakłady skončylisia.
— A ŭvohule źjaviacca?
— Ja dumaju, pryjduć, ale pakul što nie zavozili.
Kali my patelefanavali ŭ hałoŭny ofis «Biełknihi», supracoŭniki, pačuŭšy proźvišča Niaklajeva, chucieńka šeptam abmianialisia paraj fraz, i spytali, ci kankretnuju knihu my šukajem.
— Nie. Prosta hetaha aŭtara.
Praz pašukavik znajšłosia adno vydańnie — zbornik «Akno», vydadzieny ŭ Rasii i na ruskaj movie.
— Dzie jaho možna nabyć?
— U našaj sietcy zaraz niama nivodnaha asobnika hetaj knihi. — udakładnili supracoŭniki. — Možacie pasprabavać u «Akademknizie».Ale i tam Niaklajeva nie znajšłosia.
Znajšłasia kniha Niaklajeva ŭ
— Padkažycie imia aŭtara?
— Uładzimir.
— A tak, jość taki aŭtar — Uładzimir Niaklajeŭ. Knihu možna zamović z Maskvy, pryjdzie jana dzion praz vosiem.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary