Dźviery minskaj kvatery na vulicy Janki Kupały, dzie prapisanaja žurnalistka niezaležnaha telekanała «Biełsat» Kaciaryna Tkačenka, majuć ślady ŭskryćcia. Jany paškodžanyja tak, što adamknuć ich, kab trapić usiaredzinu, haspadaram pakul nie ŭdajecca. Pavodle słovaŭ K.Tkačenka, u ŽESie № 4, kudy jana źviarnułasia, joj paviedamili, što siońnia im telefanavali z pytańniami, dzie jaje znajści i ci moža chtości z pradstaŭnikoŭ ŽESu prysutničać padčas pieratrusu ŭ kvatery. Susiedzi paśla bačyli, jak va ŭsich voknach kvatery hareła śviatło. Napiaredadni, jak jany skazali haspadaram, u domie «šukali paniatych».
Nijakich aficyjnych paviedamleńniaŭ pra toje, što pa miescy jaje prapiski źbirajucca rabić pieratrus, Kaciaryna Tkačenka nie atrymlivała. Jana źbirajecca vyklikać milicyju.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary