13–14 studzienia ŭ Minsku ź vizitam znachodzicca namkiraŭnika źniešniepalityčnaha viedamstva Sajuza Mjanma Maunh Mjint. Siońnia jon padpisaŭ miemarandum ab parazumieńni i praviadzieńni dvuchbakovych kansultacyj pamiž MZS Respubliki Biełaruś i Sajuza Mjanma.
Hety vizit źjaŭlajecca adkazam na vizit u Mjanmu letaś u lipieni biełaruskaj delehacyi dziełavych kołaŭ na čale z namieśnikam ministra zamiežnych spravaŭ Biełarusi Siarhiejem Alejnikam, paviedamlaje «Jeŭraradyjo» sa spasyłkaj na BIEŁTA.
Ekanamičnyja suviazi krainy płanujuć raźvivać: za 11 miesiacaŭ 2010 hoda abjom handlu skłaŭ 1,4 młn. U tym liku ekspart ź Biełarusi — bolš za $1,3 młn (šyny, izalavanyja pravady, draty, hidrazin, impart z Mjanmy — $27,2 tys. (adzieńnie, sušanaja harodnina).
Bolš pierśpiektyŭnymi bačacca palityčnyja kantakty. Z 1997 hoda Mjanma kirujecca vajennym Dziaržaŭnym savietam miru i raźvićcia.
Vajennaja chunta, što znachodzicca va ŭładzie, pastajanna krytykujecca mižnarodnaj supolnaściu za antydemakratyčny charaktar. U krainie naličvajecca bolš za 2 tysiačy palitviaźniaŭ. Darečy, pavodle novaj kanstytucyi, jakaja była pryniataja ŭ krasaviku 2008 hoda, Mjanma — «dyscyplinavanaja, kvitniejučaja demakratyja». Zhodna z hetaj kanstytucyjaj, čverć deputackich miesiacaŭ u parłamiencie zareziervavana za vajennymi.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary