i pracytavaŭ aniekdot Statkieviča.
Padčas vystupu ŭ Jeŭraparłamiencie staršynia doŭhaterminovaj naziralnickaj misii ABSIE akreśliŭ asablivaści vybarčaj kampanii ŭ Biełarusi.
U svaim vystupie ŭ Jeŭraparłamiencie na słuchańniach pa Biełarusi staršynia doŭhaterminovaj naziralnickaj misii ABSIE Hiert Arens karotka akreśliŭ asablivaści vybarčaj kampanii. Pa jaho słovach, hałoŭnyja prablemy zastajucca raniejšymi: kansiervatyŭnaść palityčnaj sistemy, praces padliku hałasoŭ i daterminovaje hałasavańnie.
Hiert Arens: «Ja sustreŭsia z usimi 9 alternatyŭnymi kandydatami, i ŭsie jany vykazali niedavier da biełaruskaha vybarčaha pracesu… Staršynia Administracyi prezidenta Uładzimir Makiej kazaŭ, što ad ABSIE čakajuć bolš stanoŭčaj acenki vybaraŭ, čym raniej, bo adbylisia peŭnyja źmieny ŭ vybarčym zakanadaŭstvie».
Ale hałoŭnaje nie sam fakt peŭnych źmienaŭ, a ich vyniki na praktycy, adznačyŭ Hiert Arens. U suviazi z hetym jon pierakazaŭ aniekdot ad Mikałaja Statkieviča, adnaho z kandydataŭ, jaki zaraz znachodzicca ŭ izalatary KDB.
Hiert Arens: «Fizičnyja praktykavańni ŭ vajskovaj častcy. Padciahvańnie na turniku. Vajskoviec z dobraj vypravaj pryhoža padychodzić da turnika. Skočyć, sprabuje padciahnucca, i nie moža nivodnaha razu. Saskočyŭ z turnika. I zychodzić tak efiektna, pryhoža. Adznaka: padychod da turnika: vydatna, 5 bałaŭ. Padciahvańnie: kiepska, 2 bały. Adychod ad turnika: vydatna, 5 bałaŭ. Ahulny vynik: 4 bały!»
Padzialiŭsia Hiert Arens i svaimi nazirańniami za vybarami:
«Vybarčy praces źviazvajuć ź dziaržavaj. Jaje ŭvasableńnie — dziejny prezident. A jon atajasamlivajecca z narodam. Voś heta było pasłańniem Nacyjanalnaha schodu, praviedzienaha napiaredadni vybaraŭ. I pastajannaje pasłańnie aficyjnych ŚMI».
Hiert Arens adznačyŭ, što apazicyi davodzicca pracavać u ciažkich umovach. Ale pry hetym nazvaŭ i dźvie hałoŭnyja pamyłki biełaruskaj apazicyi.
Hiert Arens: «Pieršaja pamyłka — raźjadnanaść. Dzieviać adnosna małaviadomych kandydataŭ — heta nie samy aptymalny varyjant. Druhaja prablema — niedachop prafiesijanalizmu ŭ vybarčaj kampanii. Hałoŭnaja zadača musiła być nie pierakazvać toje, što častcy vybarcaŭ i tak viadoma, ale zmahacca za tych, chto addaje svaje hałasy za dziejnaha kiraŭnika…»
-
Šytal adkazaŭ Kalinu: Biełarus-haradžanin u Biełastoku achvotniej pojdzie na kancert u kłub, a nie pajeździe słuchać narodny chor
-
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami
-
Što Paźniak dazvalaje Trampu i nie dazvalaje Cichanoŭskaj
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2121
Kamientary