Zapatrabavaŭ ad KDB vieści pratakoł pa-biełarusku... Chmaraŭ, Kanavałaŭ, Chałmačoŭ
U Aršanskim haradździele na razmovie sa śledčym pabyvaŭ moładzievy aktyvist Rusłan Kanavałaŭ, a ŭ Viciebskuju abłasnuju ŭpravu KDB byŭ vyklikany Kanstancin Chałmačoŭ.
Spadar Chałmačoŭ u čas vybarčaj kampanii pracavaŭ u inicyjatyŭnych hrupach niekalkich demakratyčnych kandydataŭ. U KDB ad jaho zapatrabavali dać padpisku ab nierazhałošvańni tajamnicy śledztva, tamu źmiest razmovy jon kamentavać nia staŭ. Adno što zaŭvažyŭ: havorka viałasia pra padziei 19 śniežnia ŭ Miensku i padrychtoŭku da masavaj akcyi pratestu.
U tym samym rečyščy adbyvałasia i razmova śledčaha z Rusłanam Kanavałavym u Aršanskim adździele KDB. Chłopiec taksama padpisaŭ papieru, abaviazaŭšysia nie razhałošvać tajamnicu śledztva pa kryminalnaj spravie «ab masavych biesparadkach». Prykładna paŭtary hadziny jon adkazvaŭ na pytańni śledčaha, zahadzia papiaredziŭšy, što padpiša pratakoł tolki ŭ tym vypadku, kali jon budzie składzieny pa-biełarusku. Pratakoł supracoŭniku KDB daviałosia pierapisvać niekalki razoŭ, pastupova vypraŭlajučy ŭsie hramatyčnyja pamyłki.
Na dopyt byŭ vyklikany žychar Navapołacku, jaki adbyŭ 15 sutak u Žodzinskaj turmie paśla akcyi ŭ Miensku 19 śniežnia.
Pavodle Siarhieja Chmarava, heta byŭ «samy standartny i zvyčajny dopyt, praź jakija prajšli ŭžo tysiačy». Jon miarkuje, što paśla padziejaŭ u Miensku miascovyja słužboŭcy KDB jaho «prosta chacieli acanić pa miescy žycharstva i pastavić „na ałovak“».
Na sajcie Radyjo Svaboda byli raźmieščany dźviuma častkami jaho ŭspaminy i razvahi pra mienskuju akcyju i aryšt. Ciapier, kaža Siarhiej Chmaraŭ, «hetyja chłopcy padaryli mnie natchnieńnie i dla treciaj».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»25
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary