Karespandentu rasijskaha «Kommiersanta» admovili ŭ akredytacyi ŭ Biełarusi
Karespandentu rasijskaj haziety «Kommiersant'» Maŭsunu Hadžyjevu admoŭlena ŭ akredytacyi dla ažyćciaŭleńnia žurnalisckaj dziejnaści ŭ Biełarusi.Pra heta Hadžyjeŭ paviedamiŭ BiełaPAN.
Pavodle jaho słovaŭ, usie dakumienty na akredytacyju jon padaŭ u Ministerstva zamiežnych spravaŭ Biełarusi ŭ kancy śniežnia minułaha hoda. «Ja nieadnarazova telefanavaŭ u MZS paśla pačatku 2011 hoda, ale mnie kazali, što rašeńnie jašče nie pryniataje. A 17 studzienia patelefanavali i skazali, što pryniataje: akredytacyja mnie padoŭžanaja nie budzie.
Ja pacikaviŭsia pryčynaj takoha rašeńnia, i mnie zajavili, što ŭ akredytacyi mnie admovili z pryčyny «niekatorych niedakładnaściaŭ u maich materyjałach»,— skazaŭ Hadžyjeŭ.
Jak adznačyŭ žurnalist, čałaviek, jaki telefanavaŭ jamu, nie nazvaŭsia.
«Jon skazaŭ, što jaho imia, proźvišča, pasada «nie važnyja».U adkaz na heta ja zajaviŭ, što heta važna mnie, bo infarmacyja pra heta budzie raźmieščanaja ŭ «Kommiersantie». Ale jon usio roŭna admoviŭsia nazvacca», — skazaŭ Hadžyjeŭ.
Maŭsun Hadžyjeŭ pracavaŭ u Biełarusi z kanca 2008 hoda, i, pa jaho słovach, raniej u jaho nikoli nie ŭźnikała prablem z akredytacyjaj u MZS. «Ja liču, što MZS i
«Svaju pracu ŭ „Kommiersantie“ ja pačynaŭ u Azierbajdžanie. Maje materyjały pra tahačasnaha prezidenta krainy, Hiejdara Alijeva, byli značna bolš žorstkija, čym pra situacyju ŭ Biełarusi. Tym nie mienš, MZS Azierbajdžana nikoli nie admaŭlaŭ mnie ni ŭ akredytacyi, ni ŭ kamientarach», — padkreśliŭ Hadžyjeŭ.
Kamientar biełaruskaha MZS pakul atrymać nie ŭdałosia.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary