Na 10 sutak aryštavany žurnalist «Bobrujskoho kuŕjera» Jaŭhien Vaśkovič
U Mahilovie 17 studzienia na 10 sutak aryštavany19-hadovy žurnalist haziety «Babrujski kurjer», siabra Biełaruskaj asacyjacyi žurnalistaŭ Jaŭhien Vaśkovič. U hety ž dzień pa adrasie jaho babrujskaj prapiski byŭ praviedzieny pieratrus, paviedamlaje sajt vydańnia.
U Mahilovie Vaśkovič znachodziŭsia na siesii, žyŭ na zdymnaj kvatery. 17 studzienia jon mieŭsia zdavać ekzamien. «A 6.00 jaho mama, chvalujučysia, kab jon nie praspaŭ, abudziła jaho zvankom na mabilny. A kali pieratelefanavała praz paŭhadziny — telefon Ženi ŭžo nie adkazvaŭ. Dniom maci žurnalista patelefanavali na mabilny telefon z pravaachoŭnych orhanaŭ i prainfarmavali, što jaje syn aryštavany na 10 sutak za chulihanstva,
nibyta ździejśnienaje im 16 śniežnia 2010 h. u Babrujsku», — adznačajecca ŭ paviedamleńni.
U toj pieryjad, pa dadzienych vydańnia, Vaśkovič ažyćciaŭlaŭ nazirańnie za vybarami na niekalkich babrujskich učastkach.
Vaśkovič, jaki źjaŭlajecca taksama aktyvistam arhkamiteta pa stvareńni partyi «Biełaruskaja chryścijanskaja demakratyja», byŭ zatrymany 19 śniežnia ŭ Miensku jak udzielnik akcyi pratestu na płoščy Niezaležnaści i asudžany na 12 sutak.
11 studzienia jaho vyklikali na razmovu ŭ mahiloŭskaje UKDB i «prapanavali padpisać dakumient z abiacańniem nadalej nie prymać udzieł u padobnych akcyjach».
«Jak raspaviadaŭ potym sam žurnalist, hety dakumient jon padpisaŭ tolki paśla taho, jak apošni punkt pamianiali na śćviardžeńnie, što jon i dalej budzie prymać udzieł u mirnych akcyjach, tak jak heta jaho hramadzianskaja pazicyja i kanstytucyjnaje prava. Mahčyma, heta i stała pryčynaj druhoha aryštu žurnalista i hramadzianskaj aktyvista. U jakaści pomsty «, — piša «Babrujski kurjer».
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary