Žychar Turava sprabuje haładoŭkaj adstajać prava na pracaŭładkavańnie
Čaćviorty dzień, z 14 studzienia, praciahvaje haładoŭku Michaił Kozieł, žychar Turava (Žytkavicki rajon Homielskaj vobłaści), były redaktar miascovaj niezaležnaj haziety «Volnyja naviny». Takim čynam jon dabivajecca źniaćcia niehałosnaj zabarony na pracaŭładkavańnie pa miescy žycharstva, jakoje, jak jon śćviardžaje, uviali ŭłady.
Pad uciskam KDB i słužbovych asob Žytkavickaha rajvykankama jašče ŭ 2008 hodzie Kozieł vymušany byŭ admovicca ad palityčnaj i hramadskaj dziejnaści. Jak paviedamiŭ Michaił Kozieł, z 2007 hoda jon nieadnarazova sprabuje ŭładkavacca na pracu, ale pastajanna atrymlivaje admovu. Apošniaja niaŭdałaja sproba ŭładkavacca žyviołavodam na fiermu była zroblena 13 studzienia hetaha hoda.
Kiraŭniki pradpryjemstvaŭ matyvujuć admovu ŭ pracaŭładkavańni niemahčymaściu ŭzhadnić kandydaturu Michaiła Kozieła ŭ ideałahičnym adździele Žytkavickaha rajvykankama. «20 studzienia minułaha hoda ja taksama sprabavaŭ uładkavacca, ale mianie nie ŭziali. U nas usie adzin adnaho viedajuć, najmalniki hladziać na maje pašpartnyja danyja, vajenny bilet i kažuć: a, heta toj samy beneefaviec — i admaŭlajuć mnie», — paviedamiŭ Kozieł.
17 studzienia jon źviarnuŭsia z prośbaj dapamahčy ŭ pracaŭładkavańni da staršyni harsavieta Ihara Miciuryča. «U adkaz na toje, što mnie niama za što kupić chleba, staršynia skazaŭ, š
to heta maje prablemy i što viasnoj jon sazvonicca sa słužbaj zaniataści», — paviedamiŭ biespracoŭny.
Kala tydnia tamu Kozieł napisaŭ skarhu ŭ prakuraturu na niehałosnuju zabaronu na pracaŭładkavańnie. Jon maje namier praciahvać haładoŭku.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary