Prem'jer-ministr Biełarusi Michaił Miaśnikovič daručyŭ pryniać dziejsnyja miery pa abaronie intaresaŭ pakupnikoŭ tavaraŭ u internet-mahazinach. Pra heta paviedamlaje pres-słužba ŭrada.
Zhodna z ekśpiertnymi acenkami, kožny hod internet-mahazinaŭ u Biełarusi ŭ siarednim stanovicca na 100 bolš. Ich siaredniamiesiačny abarot składaje nie mienš jak 30 młrd. rubloŭ.
Adnak, jak zaznačaje pres-słužba ŭrada, niahledziačy na davoli paśpiachovaje raźvićcio internet-handlu, paŭnacenny i detalovy ŭlik ruchu tavaraŭ i finansavych srodkaŭ u internet-mahazinach adsutničaje. «Faktyčna niemahčyma pravieryć, kolki tavaru było pradadziena. Heta pravakuje źmianšeńnie pastupleńnia padatkaŭ i pryvodzić da farmiravańnia cieniavaha abarotu tavaraŭ», — havorycca ŭ paviedamleńni.
Pakupniki ŭ internet-mahazinach sutykajucca z peŭnymi ciažkaściami. Naprykład, asobnyja mahaziny nie vydajuć čeki abo jany akazvajucca «lipavymi». Pakupniki ŭvodziacca ŭ zman adnosna spažyvieckich ułaścivaściaŭ tavaru, adsutničaje mahčymaść prakantralavać pakupnikom, ci toj tavar jon kupiŭ. Niaredka ludziej prosta padmanvajuć praz internet-mahaziny.
Miž tym, paviedamlaje pres-słužba, jašče ŭ siaredzinie 2009 hoda ajčynnyja raspracoŭščyki prahramnaha zabieśpiačeńnia prapanavali Ministerstvu handlu ŭkaranić stvoranuju na asnovie najnoŭšych infarmacyjnych technałohij aŭtamatyzavanuju infarmacyjnuju sistemu pa kantroli za rucham tavaraŭ u internet-mahazinach. Hetaja sistema, na dumku raspracoŭščykaŭ, dazvoliła b źniać isnujučyja prablemy, sadziejničała b stvareńniu cyvilizavanaha rynku internet-handlu šlacham fiksacyi apieracyj pa realizacyi tavaraŭ praz takija mahaziny.
Ukaranieńnie hetaj sistemy dazvolić dać pakupnikam tavaraŭ u internet-mahazinach dadatkovyja harantyi čyścini praviedzienaj ździełki, a taksama pavialičyć dolu prodažu tavaraŭ praz internet-mahaziny, padatkovyja pastupleńni za košt źnižeńnia kolkaści «šerych» tavaraŭ.
Realizacyja prajekta vyklikała cikavaść patencyjalnych inviestaraŭ, jakija vykazali hatoŭnaść užo na pieršym etapie ŭkłaści ŭ stvareńnie sistemy kala 1 młrd. rubloŭ. Adnak dahetul realnych zruchaŭ pa hetym važnym prajekcie niama, havorycca ŭ paviedamleńni ŭradavaj pres-słužby.
U suviazi z hetym kiraŭnik urada Michaił Miaśnikovič daručyŭ namieśniku prem'jer-ministra Siarhieju Rumasu, a taksama kiraŭnikam zacikaŭlenych ministerstvaŭ i viedamstvaŭ pryniać dadatkovyja miery pa abaronie intaresaŭ pakupnikoŭ tavaraŭ u internet-mahazinach, u tym liku praz ukaranieńnie zhadanaj sistemy kantrolu za rucham tavaraŭ.
Kamientary