Źmicier Sasnoŭski vydaŭ knihu «Muzyčnaja kultura rycarskaha sasłoŭja Vialikaha Kniastva Litoŭskaha i Karaleŭstva Polskaha».
Źmicier Sasnoŭski vydaŭ knihu «Muzyčnaja kultura rycarskaha sasłoŭja Vialikaha Kniastva Litoŭskaha i Karaleŭstva Polskaha».
Rycarskaje sasłoŭje VKŁ i Polščy mieła bahatuju muzyčnuju kulturu, jakaja raźvivałasia ŭ ščylnych kantaktach z aktualnymi tendencyjami ŭ jeŭrapiejskaj muzycy i ŭ suviazi z muzyčnaj kulturaj inšych płastoŭ hramadstva VKŁ i Rečy Paspalitaj.
«Padrychtoŭka rycara abaviazkova ŭklučała zasvajeńnie kompleksu sihnałaŭ, nieabchodnych dla vajskovaha pobytu, vartavoj słužby i arhanizavanaha ŭdziełu ŭ bitvach. Pra kaštoŭnaść vajskovych muzykaŭ śviedčyć toje, što pry abmienie vajennapałonnymi muzykaŭ zaličvali da aficeraŭ», — adznačyŭ aŭtar u pradmovie.
U knizie razhladajucca roznyja prajavy muzyčnaha žyćcia rycaraŭ: sihnalnaja muzyka, bajavaja duchoŭnaja muzyka, pachodnyja kapeły, paradnyja vajskovyja arkiestry, a taksama rycarski epas, duchoŭnaja i śvieckaja rycarskaja paezija.
Asobny raździeł pryśviečany muzycy, jakaja hučała ŭ rycarskim asiarodździ ŭ mirny mižvajenny čas. Razhladajucca sialanskija falkłornyja žanry, pryśviečanyja rycarskaj tematycy, takija jak histaryčnyja pieśni, narodnyja i histaryčnyja bałady, kazackija pieśni, lirnickija śpievy.
Nahadajem, «Muzyčnaja kultura rycarskaha sasłoŭja Vialikaha Kniastva Litoŭskaha i Karaleŭstva Polskaha» nie pieršaja kniha aŭtarstva lidara «Staroha Olsy». U 2009 hodzie ŭ sieryi «Biblijateka Baćkaŭščyny» vyjšła jaho «Historyja biełaruskich muzyčnych upłyvaŭ». Taksama Źmicier Sasnoŭski źjaŭlajecca aŭtaram «Historyi biełaruskaj muzyčnaj kultury ad staražytnaści da kanca XVIII st», jakaja moža pretendavać na rolu pieršaha ŭ Biełarusi padručnika pa historyi biełaruskaj muzyki.
Muzyčnaja kultura rycarskaha sasłoŭja Vialikaha Kniastva Litoŭskaha i Karaleŭstva Polskaha / Źmicier Sasnoŭski. — Minsk : Knihazbor, 2010. — 136 s.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary