Ad imia Arhanizacyi Abjadnanych Nacyjaŭ vinšuju vas sa stohadovym jubilejem i zyču plonnaj pracy na karyść Biełarusi i jaje pačesnaha pasadu miž krainami – čalcami AAN!
Ščyra vinšujem aŭtaraŭ i čytačoŭ "Našaje Nivy" ź jubilejem. Zyčym plonu ŭ pracy, natchnieńnia i mužnaści.
"Našyja dzietki", www.dzietki.org
□
Šanoŭny Sp.Dyńko,
Dazvolcie pavinšavać Vas z nahody 100-hodździa «Našaje Nivy» dy vykazać svaju hłybokuju pašanu dy vysokuju acenku toj vyrašalnaj roli ŭ hramadzkim žyćci Biełarusi, jakuju «Naša Niva» adyhryvaje ŭžo 100 hadoŭ. Adnak sioletniaj viasnoj vy pieražyli asabistyja ciažkaści jak hałoŭny redaktar «NN», a hazeta apynałasia na miažy prymusovaha zakryćcia. Niahledziačy na heta, a asabliva składanaść ciapierašniaje sytuacyi, ja zyču Vam i ŭsioj redakcyi «NN» mužnaści i rašučaści: śvietłaj budučyni «Našaj Nivie»!
Jak stała viedama, vas ušanavali premijaj Mižnarodnaha PEN-centru i Halandzkaj fundacyi Oxfam Novib. Prymiecie ž da hetaha taksama i maje vinšavańni.
Z najlepšymi zyčeńniami,
Eberhard Hejkien
Kolišni staršynia ofisu ABSE ŭ Miensku
Dear Mr. Dyn'ko,
Today, on the occasion of the 100th anniversary of "Nasha Niva", I should like to congratulate you and express my deep respect and great appreciation for the decisive role Nasha Niva has played in the public life of Belarus already hundred years. In this spring however, you endured personal hardship as Chief Editor of "Nasha Niva" and the newspaper has been facing a forced closure for quite some time. All the same and particularly in this difficult situation I wish you and the whole staff of "Nasha Niva" courage and determination: may "Nasha Niva" have a bright future!
As I read this morning, you were honored with a prize of PEN International and the Dutch Oxfam Novib Foundation. Please accept my congratulation also for this event.
My best regards,
Eberhard Heyken
Former Head of the OSCE Office in Minsk
□
Vinšujem adzinuju Biełaruskuju Hazetu sa 100-hodździem!
Usim Našaniŭcam žadajem dobraha zdaroŭja! Niachaj Usiemahutny Boža trymaje Vas u svajoj apiecy!
ŽYVIE BIEŁARUŚ!
Mazyrčuki.
□
Admysłovaje vinšavańnie «NN» atrymała ad Moładzi BNF.
Dziakuj Vam vialiki!
□
Darahija siabry!
U mianie 23 listapada dvajnoje śviata, bo mienavita ŭ hety dzień naradzilisia maje dzieci, jak ja žartuju "bliźniaty z roźnicaj u šeść hadoŭ". A sioleta śviata trajnoje, tamu što jubilej «Našaj Nivy» heta taksama darahaja i blizkaja majmu sercu data.
Ščyra vinšuju kalektyŭ redakcyi sa 100-hodździem pieršaj biełaruskaj hazety. Dziakuj vam za toje, što nasupierak usim ciažkaściam vysoka trymajecie ściah biełaruskaści, za nadzieju i radaść, jakuju prynosić kožny novy numar. Pośpiechaŭ vam i našaj ahulnaj spravie. Trymajciesia!
Žyvie Biełaruś!
Valancina Hrakun
□
Šanoŭnaje spadarstva!
Vinšuju ŭsich našaniŭcaŭ i čytačoŭ sa stahodździem hazety našaje dušy!
Zyču, kab biełaruski Minataŭr, imia jakomu samota, byŭ urešcie pieramožany!
Vytrymki i plonu! Radaściaŭ vialikich i jašče bolšych!
Bałachonaŭ Siarhiej
□
Pavažany spadar Dyńko,
Dazvolcie mnie pavinšavać Vas, uvieś kalektyŭ i čytačoŭ «Našaj Nivy» sa stahodździem sa dnia zasnavańnia.
Heta kruhłaja data znoŭ śćviardžaje, nakolki nieabchodny vydańni, jakija kultyvujuć nacyjanalnuju, histaryčnuju i kulturnuju śviadomaść biełarusaŭ na rodnaj movie. Słavaki źjaŭlajucca dobrym prykładam taho, nakolki daremnyja ŭsie sproby asymilacyi i čaho možna dasiahnuć emansypiravany słavianski narod u centry Eŭropy. Niachaj ža hety prykład dapamoža Vam pieraadoleć usie časovyja ŭskładnieńni, jakija prynosić žyćcio.
Z pavahaj,
Lubamir Rehak, Časovy Pavierany ŭ spravach Słavackaj Respubliki ŭ Respublicy Biełarusi
□
Šanoŭnyja supracoŭniki i čytačy «Našaj Nivy»!
Ad imia Arhanizacyi Abjadnanych Nacyjaŭ vinšuju vas sa stohadovym jubilejem i zyču plonnaj pracy na karyść Biełarusi i jaje pačesnaha pasadu miž krainami – čalcami AAN!
Džychan Sułtanahłu, pradstaŭnik AAN/PRAAN u Respublicy Biełaruś
□
Hazeta žyvie!
MHA «Zhurtavańnie biełarusaŭ śvietu «Baćkaŭščyna» maje honar pavinšavać pieršuju biełaruskuju hazetu «Naša Niva» sa stahodździem.
«Naša Niva», utvoranaja jašče ŭ 1906 h. i adnoŭlenaja ŭ 1991 h., nabyła biassprečnuju papularnaść siarod intelihiencyi, moładzi, biełaruskaha asiarodku.
Niahledziačy na toje, što ŭ 2005 h. ułady zabaranili raspaŭsiudžvać hazetu praź «Biełpoštu» i «Biełsajuzdruk», dziakujučy vialikim namahańniam supracoŭnikaŭ i aŭtaraŭ Redakcyi, hazeta žyvie! I ciapier jaje možna atrymać, dziakujučy stvoranaj systemie raspaŭsiudu, praz rassyłku poštaj i kurjerskuju dastaŭku. Da taho ž, Redakcyja idzie krok u krok z časam i pakaryła virtualnuju prastoru.
Žadajem «Našaj Nivie» zachavać status pieršaj biełaruskaj hazety, nia mieć pieraškod u vydańni i adznačyć 200-hadovy jubilej.
Uprava MHA «ZBS «Baćkaŭščyna»
□
«Našaj Nivie»
Maja śviataja, biespartyjnaja,
Dasiul jašče chrestamatyjnaja –
Tabie, siabroŭka stohadovaja,
Ad serca šlu lubovi słova ja.
Svajoju movaju šlachietnaju,
Svajoj manieraju admietnaju
Mianie daŭno k sabie prynadziła
I anikoli jšče nia zdradziła.
Tvaju acenku biesstarońniuju
Zaŭždy składanym časam pomniu ja.
Całuju ŭsie tvaje staronački,
Čytajučy i ŭdzień, i ŭponački.
Maja źmiastoŭnaja taŭstušačka,
Majoj radzimy ščyrka-dušačka,
Maja jasnotka prad chimeraju –
Lublu. Nia zdradžu. Ščyra vieruju.
Anton Bubała, Drysa
□
Niekalki vieršavanych radkoŭ u padarunak:
Jość takija ludzi, peŭna,
Što pracujuć nie za piernik,
Što na nitku intuicyi
Nižuć słovaŭ ćviordych perliny.
Redkija, jak juveliry.
Ŭčujuć huk truby i liry.
I jany nie pačynajuć
Pracu ŭraz na «try-čatyry!».
Vinšuju sa 100-hodździem «Našu Nivu», a taksama siabroŭ Redakcyi, hałoŭnych redaktaraŭ, usich našaniŭskich aŭtaraŭ!
Zyču ŭsim mocnaha zdaroŭja, mužnaści, natchnieńnia i pašyreńnia koła čytačoŭ! Niachaj kałasuje Naša Niva!
Ludka Silnova
□
Chaj zdochnie choć zaŭtra
Vinšuju kalektyŭ i čytačoŭ «Našaj Nivy»! Zyču ŭsim tvorčych pośpiechaŭ u pracy i ŭsiaho najlepšaha ŭ žyćci!
Chaj zdochnie choć zaŭtra
Kałhasny naš Huś.
My hukniem uparta:
Žyvie Biełaruś!
Juzik Dzienisiuk, v.Abuchava, Haradzienski rajon
□
Šanoŭny redaktaru, z darahoj dušy vinšuju Vas i supracoŭnikaŭ «Našaj Nivy» z stohadovym jubilejem vydańnia. Rady, što vy nie apuścili ruki i ŭparta robicie nacyjanalnuju spravu. Boh vam u pomač.
Mikoła Busieł, Dubrova, Śvietłahorski rajon
□
Darahija našaniŭcy!
Vinšuju vas, zyču, kab svabodnaje Słova nikoli nia zhasała, tamu što Svaboda ad Boha, a Božaje – viečnaje.
Ravuć viatry, hrymiać hramy,
Pył zaścić vočy nam, i ŭsio ž
I ŭsio ž my dojdziem,
Dojdziem my da Biełarusi!
Z Boham! Zdaroŭja vam, viery i nadziei.
Čytač «NN»
□
Ad hazety «Intex-press»
Imčyć pa śviecie listapad imkliva
I nie biady, što skončyłasia leta.
Sto hod śviatkuje siońnia
«Naša Niva»
Najpieršaja najlepšaja hazeta.
Pra rodny kraj u vas niby piajecca,
Jość u vydańni sport
i navat humar.
U ruki z ruk jana pieradajecca.
Začytvajuć da dzirak kožny numar!
Vy pišacie, što tut i što ŭ śviecie.
Sapraŭdny biełarus –
«NN» prychilnik.
I nie ździŭleńnie, što takoj hazecie
Pašana ŭ Biełastoku i ŭ Vilni.
Pra vas narod i viedaje, i čuje
(Pra vas niaciažka i paemu skłaści).
I «Intex-press» vas ad dušy vinšuje
I zyčyć daŭhalećcia,
plonu, ščaścia.
Daŭno ŭ nas zabylisia ab skrusie,
I źviestki pra vajnu daŭno ŭ archivie.
Čamu ž tady ŭ stalicy Biełarusi
Niama dla śviata miesca
«Našaj Nivie»?
Nidzie niama – ad Viciebsku da Brestu
(U pałacach hamana pra ŭhnajeńni)...
Dy, dziakuj Bohu, usio ž znajšłosia miesca
U siadzibie BNF, na Varvašeni.
Hučy i raduj, Našaniŭski hołas
(Pakul takija jość –
ništo nia strašna).
Pakul u nas Kupała jość i Kołas,
Nia zhinie Biełaruś, Ajčyna naša.
Žadajem roskvitu ŭsim na dziva,
Pišycie! Usłaŭlajcie rodny kraj!
Niachaj kvitnieje naša «Naša Niva»
I doryć ludziam
ščodry ŭradžaj!
Kalektyŭ redakcyi hazety «Intex-press», Baranavičy
□
Vinšuju vas sa 100-hadovym jubilejem! Dziakuj Redakcyi za pracu, cikavyja materyjały i mužnaść. Zdaroŭja, plonnaj pracy i Božaj łaski vam na doŭhija hady.
Ludmiła Litvinava, Miensk
□
Šanoŭnyja siabry!
Vinšuju ŭsich vas sa 100-hodździem «Našaj Nivy», zyču ŭsim vam dobraha zdaroŭja, tvorčaha hartu, niastomnaha i niazłomnaha režymam žadańnia nieści ludziam, ščyrym biełarusam, praŭdzivaje, volnaje słova, niachaj nie zatuchaje ŭ vas kupałaŭski duch svabody, niezaležnaści, nieciarpimaści da dyktatury va ŭsich jaje prajavach.
Žyvie Biełaruś!
Michaś Tyčyna, vaš padpisčyk i adnadumiec
Kamientary