Maskoŭskaja milicyja razahnała spartyŭnuju akcyju pad łozunham «Russkij triezvyj, značit bohatyŕ»
Maskoŭskija milicyjanty ŭ niadzielu razahnali niesankcyjanavanuju akcyju pa prapahandzie zdarovaha ładu žyćcia, jakuju zładzili kala 100 maładych ludziej na poŭnačy Maskvy.
«U Maskvie na
Na arhanizatara i siemiarych udzielnikaŭ akcyi składzienyja pratakoły ab administracyjnym pravaparušeńni.
Nie vyklučana, što razhon spartyŭnaj akcyi źviazany z tym, što raniej u Astankinie praviali niesankcyjanavanaje šeście nacyjanalisty: u kancy śniežnia kala telecentra «Astankina» prajšoŭ dazvoleny mitynh z patrabavańniem abjektyŭnaha aśviatleńnia akcyj nacyjanalistaŭ, jaki amal adrazu ž pieraros u šeście. U im uziali ŭdzieł kala 500 čałaviek, u asnoŭnym niepaŭnaletnija, jakija skandavali «Rasii — ruskuju ŭładu» i «Rasija dla ruskich, Maskva dla maskvičoŭ».
Ciapierašniaje spartovaje mierapryjemstva, jakoje spyniła milicyja, užo nie pieršaje. Naprykład, 16 studzienia akcyja «Ruskija za zdarovy ład žyćcia» taksama prajšła na poŭnačy stalicy. Arhanizatary, jakija apublikavali videa ź minułaha «niesankcyjanavanaha» zabiehu, hetym razam rekamiendavali ŭsim udzielnikam uziać z saboj dakumienty, rastłumačyŭšy: «Tyja, chto byŭ na minułych zabiehach, pamiataje pavyšanuju ŭvahu da nas z boku milicyi».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary