Nie mienš za 35 čałaviek zahinuli. Siłaviki mieli infarmacyju pra terakt za tydzień, ale nie zdoleli vyjavić terarystaŭ.
Nie mienš za 35 čałaviek zahinuli. Siłaviki mieli infarmacyju pra terakt za tydzień, ale nie zdoleli vyjavić terarystaŭ.
Videa drugoi.livejournal.com
Milicyja zajaŭlaje, što heta terakt, jaki ździejśniŭ teraryst-śmiarotnik. Vybuch adbyŭsia ŭ zonie vydačy bahažu niepasredna kala stužak-transparcioraŭ, h.zn. da prachodžańnia mytnaha kantrolu.
Bomba mahutnaściu da siami kiłahramaŭ traciłu była načynienaja mietaličnymi elemientami.
Teraryst prajšoŭ u zału, dzie čakajuć mižnarodnyja rejsy, i znachodziŭsia ŭ vielmi ščylnym natoŭpie ludziej, tamu mnohija atrymali ciažkija traŭmy.
Maskoŭskaja milicyja šukaje troch padazravanych mužčyn.
Ad 15 hadzin dnia ŭ aeraporcie zrabili pasadku mižnarodnyja rejsy z Kaira (u 15:07), Tokia (15:18), Dziuseldorfa (15:52), Łondana (16:35), Chašymina (16:49). Vybuch adbyŭsia a 16:37.
Niekalki rejsaŭ, jakija pavinny byli pryziamlicca ŭ "Damadziedava", zatrymlivajucca. Čas zatrymki aficyjna nie paviedamlajecca. Aeraporty "Unukava" i "Šaramiećjeva" pracujuć u režymie pahrozy terakta.
U Tvitery žychary Maskvy zaklikajuć nieadkładna vyjechać u "Damadziedava" na asabistym transparcie, kab dapamahčy raźvieźci pasažyraŭ aeraporta pa chatach.
Prezident Rasii Miadźviedzieŭ pravioŭ ekstranuju naradu ŭ suviazi z teraktam.
Pavodle paviedamleńniaŭ aficyjnaha infarmacyjnaha ahienctva BiełTA, biełarusaŭ siarod zahinuŭšych i paciarpiełych u Damadziedava niama.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary