Jak Facebook abaraniaŭ tuniskija akaŭnty

U pačatku studzienia 2011 tuniskija śpiecsłužby z dapamohaj miascovaha pravajdara-manapalista ažyćciavili masavy ŭzłom akaŭntaŭ na Facebook, sprabujučy spynić arhanizacyju mitynhaŭ na vulicach i raspaŭsiudžańnie videarolikaŭ.

Vyjaviłasia, što raspracoŭščyki Facebook raspaznali ataku na rańnich stadyjach i niekalki dzion realizavali śpiecyjalnuju techniku abarony dla karystalnikaŭ z hetaj krainy.

Dyrektar pa biaśpiecy Facebook Džo Salivan pieršym zaŭvažyŭ niezvyčajny patok skarhaŭ ad tuniskich karystalnikaŭ na toje, što čužyja ludzi ŭvachodziać i vydalajuć ich akaŭnty. Akramia taho, byŭ zarehistravany rezki ŭsplosk naviedvalnaści z Tunisa. 25 śniežnia 2010 Salivan daručyŭ svajmu adździełu biaśpieki vyvučyć prablemu.

Adrazu dakazać fakty zachopu akaŭntaŭ im nie ŭdałosia, tamu što ŭ Tunisie va ŭsich karystalnikaŭ dynamičnyja IP. Ale paśla dziesiaci dzion razboru vyśvietliłasia, što adbyvajecca niešta biesprecedentnaje: da 5 studzienia 2011 stała zrazumieła, što skampramietavanymi źjaŭlajucca paroli ŭsich karystalnikaŭ u Tunisie. Z takim Facebook jašče nie sutykaŭsia: supiernikam vystupaŭ nacyjanalny ISP, jaki filtravaŭ uvieś uvachodny trafik i dadavaŭ škodnasnyja skrypty ŭ indyvidualnyja siesii karystalnikaŭ. Salivanu dapamahli apublikavanyja ŭ adkrytych krynicach pracy niezaležnych śpiecyjalistaŭ pa biaśpiecy Kłeja Šyrki i Jaŭhiena Marozava, jakija detalova tłumačać miechanizm uzłomu akaŭntaŭ Facebook uradavymi śpiecsłužbami.

Facebook uspryniaŭ heta jak techničnuju, a nie palityčnuju prablemu, i pačaŭ jaje vyrašać.

Na dumku ekśpiertaŭ, žaśminavaja revalucyja ŭ Tunisie (ci, jak jaje jašče nazyvajuć, Facebook-revalucyja) padniała niekalki prablem, pra jakija varta zadumacca.

ciapier my bačym, što ŭ niekatorych krainach za palityčnuju aktyŭnaść možna pazbavicca žyćcia, tak što miascovym aktyvistam prosta niebiaśpiečna mieć znosiny ŭ internecie pad sapraŭdnymi imionami.

Darečy, u Biełarusi, dzie situacyja padobnaja da tuniskaj, ciapier nazirajecca novaja chvala represijaŭ suprać hramadzianskaha nasielnictva: musić, praź sistemu nakštałt SORM ułady atrymali śpis abanientaŭ sotavaj suviazi, jakija znachodzilisia ŭ centry Minska padčas masavych pratestaŭ 19 śniežnia 2010 hoda z 20:00 da 22:00 (pavodle nieaficyjnych dadzienych, kala 75 tys. čałaviek). Ciapier usie jany vyklikajucca na dopyty ŭ śledčyja orhany. Miascovym žycharam dla razmovaŭ na palityčnyja temy rekamiendujuć kuplać SIM-kartki, aformlenyja na padstaŭnych ludziej.

• 0
• 0
• 0
• 0
• 0
• 0
• 0
• 0