Pra heta zajaviŭ pradstaŭnik Dziarždepa ZŠA Tomas Mielia na pres-kanfierencyi ŭ Minsku.
Pytańnie ab sankcyjach u dačynieńni da Biełarusi vyrašycca najbližejšymi dniami, paviedamiŭ 24 studzienia namieśnik pamočnika dziaržsakratara ZŠA Tomas Mielia na sustrečy z žurnalistami ŭ Minsku.
Jon nie staŭ adkazvać na pytańnie, pra jakija mienavita sankcyi idzie havorka. Zaraz heta pytańnie Złučanyja Štaty abmiarkoŭvajuć sa svaimi jeŭrapiejskimi sajuźnikami. «Hetyja najbližejšyja dni — čas dla Łukašenki pierahledzieć šlach, jakim idzie jaho kraina», — skazaŭ pradstaŭnik Dziarždepartamienta.
Pry hetym Mielia padkreśliŭ: sankcyi buduć kropkavymi, skiravanymi na «adkaznych za palityčnyja represii i zadušeńnie svabody» ŭ Biełarusi.
Pradstaŭnik Dziarždepartamienta zajaviŭ, što ZŠA žadajuć palepšyć adnosiny ź Biełaruśsiu. Da prezidenckich vybaraŭ ZŠA «praciahvali ruku družby i prapanoŭvali pašyreńnie dvuchbakovaha supracoŭnictva», adznačyŭ jon.
Tomas Mielia nahadaŭ, što ministry zamiežnych spraŭ Polščy i Hiermanii, jakija naviedali Minsk u pačatku śniežnia, padkreślivali: palapšeńnie adnosin Biełarusi z Zachadam zaležyć ad taho, jak projduć prezidenckija vybary. Toje, što adbyłosia paśla vybaraŭ, pradstaŭnik Dziarždepa nazvaŭ «zusim nieprymalnym i absalutna nie adpaviednym biełaruskim abaviazacielstvam».
Pavodle jaho słoŭ, adziny sposab paźbiehnuć kropkavych sankcyj u dačynieńni da aficyjnaha Minska — heta źmiena palityčnaha kursu biełaruskaha kiraŭnictva.
Mielia paviedamiŭ, što ŭ miežach ciapierašniaha vizitu jon 22 studzienia sustreŭsia z supracoŭnikami ŭpraŭleńnia Amieryki i ŭpraŭleńnia humanitarnaha supracoŭnictva MZS Biełarusi. Ministr zamiežnych spraŭ Siarhiej Martynaŭ i jaho namieśnik na sustrečy nie prysutničali. Adnak, pavodle słoŭ pradstaŭnika Dziarždepartamienta, padčas pieramoŭ jon pieradaŭ kiraŭnictvu MZS, što palapšeńnie adnosin ZŠA z aficyjnym Minskam zaležyć ad vyzvaleńnia palitźniavolenych i źniaćcia ź ich i šerahu inšych biełaruskich hramadzian palityčna matyvavanych abvinavačańniaŭ.
U Minsku Tomas Mielia taksama sustreŭsia z pradstaŭnikami hramadzianskaj supolnaści, pravaabaroncami, siemjami palitźniavolenych.
Namieśnik pamočnika dziaržsakratara ZŠA znachodzicca ź vizitam u Minsku z 22 pa 25 studzienia. Jak paviedamili ŭ pasolstvie ZŠA, meta vizitu — atrymać infarmacyju ź pieršych ruk «ab situacyi ŭ Biełarusi paśla siłavych dziejańniaŭ uśled za padziejami 19 śniežnia».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary