Lik udzielnikaŭ spravy ab «biesparadkach» pajšoŭ na šosty dziasiatak
51-y padazravany — 20-hadovy Uładzimir Jaromienak.
51-y padazravany —20-hadovy Uładzimir Jaromienak.
Infarmacyju pra pieraviadzieńnie Uładzimira Jaromienka ŭ status «padazravanaha» pa art. 293 KK Biełarusi paćvierdzili pravaabaroncy «Viasny».
Junak, chutčej za ŭsio, utrymlivajecca ŭ turmie KDB, ale paćvierdžańnia hetamu pakul niama.
Takim čynam, ahulnaja kolkaść asobaŭ, jakich padviarstali pad spravu ab 19 śniežnia, pajšła na šosty dziasiatak.
Pavodle źviestak, sabranych pravaabaroncami,
nie mienš za 36 čałaviek abvinavačanyja pa spravie ab tak zvanych «biesparadkach». Siarod ich lidary apazicyiAndrej Sańnikaŭ, Mikoła Statkievič, Uładzimir Niaklajeŭ, Aleś Michalevič, Anatol Labiedźka i Pavieł Sieviaryniec, žurnalisty Iryna Chalip i Natalla Radzina.
Jašče 13 prachodziać jak «padazravanyja va ŭdziele ŭ biesparadkach».
Narešcie, dvuch — Źmitra Daškieviča i Eduarda Łobava — zatrymali jašče 19 śniežnia ŭranku. Tamu źvinavacić ich u «šturmie» Doma ŭrada nie było nijakaj mahčymaści. Jany prachodziać pa asobnaj spravie ab «złosnym chulihanstvie». Maŭlaŭ, hetyja dva aktyvisty arhanizacyi «Małady front», što hruntujecca na chryścijanskich kaštoŭnaściach, kahości tam źbili.
Pravaabaroncy zaklikajuć blizkich usich inšych zatrymanych ci aryštavanych, imiony jakich jašče nieviadomyja, źviartacca na mejł [email protected],kab pravavaja i advakackaja dapamoha dajšła da ŭsich i kab mižnarodnaja supolnaść viedali ŭsie imiony.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary