Mižnarodnaje rejtynhavaje ahienctva Moody's zajaŭlaje, što moža być vymušanaje źmianić prahnoz rejtynhu ZŠA na «niehatyŭny» sa «stabilnaha» raniej, čym čakałasia, z pryčyny pahrozy dalejšaha rostu biudžetnaha deficytu.
Padaŭžeńnie ŭviedzienych za byłym prezidentam Džordžam Bušam padatkovych ilhotaŭ, vierahodnaść taho, što Kanhres admovicca skaračać vydatki, a taksama vynik listapadaŭskich vybaraŭ pahoršyli niaŭpeŭnienaść analitykaŭ Moody's u hatoŭnaści i zdolnaści ZŠA skaracić pamiery deficytu dziaržbiudžetu i abjom dziaržpazyki.
«Choć nijakaje rejtynhavaje dziejańnie pakul nie razhladajecca, časavyja ramki patencyjnaha pryniaćcia rašeńniaŭ u budučyni, vidać, skarociacca, a vierahodnaść źmieny prahnozu na „niehatyŭny“ ŭ najbližejšyja dva hady raście», — havorycca ŭ spravazdačy starejšaha kredytnaha analityka Moody's Styviena Chiesa.
Ciapierašniaja dziaržpazyka ZŠA składaje paradku $ 9 trłn suprać $ 4,34 trłn u siaredzinie 2007 hoda. Deficyt dziaržbiudžetu vyras da 8,8% VUP z 1% u 2007 hodzie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary