Z metaj papiaredžańnia praduchileńnia vostrych reśpiratornych infiekcyj (VRI) u adpaviednaści z patrabavańniami sanitarnych normaŭ, pravił i hihijeničnych narmatyvaŭ pa stanie na 27 studzienia ŭ Biełarusi byŭ prypynieny navučalny praces u vaśmi škołach
(šaści — u Aršanskim rajonie, adnoj — u Tałačynskim rajonie Viciebskaj vobłaści, adnoj — u Lidzie Hrodzienskaj vobłaści), paviedamlaje
U cełym pa Biełarusi ŭzrovień zachvorvańnia na VRI pieravyšany na 8,27%, što śviedčyć ab pačatku siezonnaha epidemičnaha ŭzdymu. Raźlikovyja pakazčyki zachvorvańnia na VRI byli pieravyšany ŭ piaci kantrolnych haradach: Baranavičach — na 12,6%, Oršy — na 14,1%, Mahilovie — na 13,2%, Mazyry — na 4,8% i Homieli — na 2,1%.
Ciapier «možna havaryć ab pačatku siezonnaha pavyšeńnia ŭzroŭniaŭ zachvorvańnia, jakoje prahnazavałasia śpiecyjalistami Ministerstva achovy zdaroŭja ŭ 2010 hodzie na kaniec studzienia — pačatak lutaha 2011 hoda», adznačajecca ŭ paviedamleńni.
Vyniki łabaratornych daśledavańniaŭ dazvalajuć miedykam mierkavać, što rost reśpiratornaha zachvorvańnia ŭ krainie abumoŭleny aktyŭnaj cyrkulacyjaj reśpiratornych niehrypoznych virusaŭ, a taksama zimovymi klimatyčnymi ŭmovami. Virusałahičny manitorynh pakazvaje pieravahu adenavirusaŭ — 38,1%, RS-virusaŭ- 21,4%, parahrypu — 17,9%, źmiešanych infiekcyj — 14,3%. Virusy hrypu vyznačalisia ŭ 8,3% daśledavanych prob (hryp, A — u 1,2%, hryp V — u 7,1%).
Z 17 pa 23 studzienia ŭ 18 kantrolnych haradach krainy zarehistravana 70.213 vypadkaŭ VRI i hrypu (pakazčyk zachvorvańnia 1.352,53 na 100 tys. nasielnictvA), što vyšej za ŭzrovień papiaredniaha tydnia na 20,4% (1.123,68 na 100 tys. nasielnictva). Siarod zachvarełych pieravažajuć dzieci — 61%, što vyšej za pakazčyk minułaha tydnia na 7,4% i charakterna dla raźvićcia epidsituacyi paśla zaviaršeńnia zimovych kanikuł u škołach. Pakazčyk zachvorvańnia siarod darosłaha nasielnictva ŭ paraŭnańni z papiarednim tydniem uzros niaznačna (na 0,9%) i skłaŭ 647,35 na 100 tys. nasielnictva.
U metach apieratyŭnaha reahavańnia na epidsituacyju dla pryniaćcia kiraŭničych rašeńniaŭ arhanizavany štodzionny analiz zachvorvańnia na VRI i hryp u 18 kantrolnych haradach.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary