Ci skončyŭsia palot Michaleviča pasadkaj u SIZA?
Piša Kastuś Łukašoŭ, udzielnik štaba Michaleviča.
Roŭna hod tamu, u Minskim płanietaryi, Aleś Michalevič publična abviaściŭ ab namiery bałatavacca ŭ prezidenty Respubliki Biełaruś. Piša Kastuś Łukašoŭ, udzielnik štaba Michaleviča.Pamiataju dobrazyčlivuju ironiju i adkryty skieptycyzm prysutnych tady ŭdzielnikaŭ prezientacyi, jakich prymusili ŭ toj dzień spačatku prasłuchać lekcyju pra zornaje nieba. I praŭda: zusim małady čałaviek, biez partyi ci
A nasamreč, Michalevič ździviŭ mnohich. Navat nie tym, što «niečakana» mabilizavaŭ davoli vialikuju ŭ našych realijach inicyjatyŭnuju hrupu i davoli badziora sabraŭ 100 000 podpisaŭ. I nie tym, jak nievyrazna, na pieršy pohlad, pravioŭ ahitacyjnuju kampaniju. Ździviŭ navat nie tym, što nasamreč vyjaviŭsia piśmiennym i mocnym palitykam, jaki dasiahaje svaich ambicyjnych metaŭ i ŭmieła znachodzić padtrymku i razumieńnie ŭ zusim roznych ludziej. Samym vialikim ździŭleńniem dla tych, chto drenna viedaje Alesia, stała jaho ćviordaść. Ciapier, kali jon aryštavany pa nadumanym abvinavačvańni, całkam vidavočna, što
Michalevič pierajhraŭ ŭ palityčnaj baraćbie režym, jakomu tolki zastavaŭsia apošni srodak — hrubaja siła.
Tak što, niahledziačy na aryšt i niezakonnaje ŭtrymańnie kandydata ŭ prezidenty Respubliki Biełaruś (prystaŭku «eks» jašče rana stavić) Alesia Michaleviča, heta tolki pačatak jaho palityčnaha «palotu». U jaho sapraŭdy ŭsio atrymajecca!
P.S. Inicyjatyŭnaja hrupa Alesia Michaleviča vykazvaje salidarnaść z usimi kandydatami ŭ prezydenty Respubliki Biełaruś i ich prychilnikami, jakija trapili pad represii režymu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary