zajaviŭ Polskamu ahienctvu druku (PAP) staršynia delehacyi Jeŭraparłamienta pa adnosinach ź Biełaruśsiu Jacek Pratasievič.
Jon paviedamiŭ, što takoje rašeńnie było pryniata 26 studzienia na sustrečy prezidyuma Parłamienckaj asamblei prahramy Jeŭrasajuza «Uschodniaje partniorstva» (Jeŭraniest) z kiraŭnikami piaci parłamienckich delehacyj krain — udzielnic hetaj prahramy. Sustreča prajšła biez pradstaŭnikoŭ Biełarusi.
Zaćvierdzić heta rašeńnie zaraz pavinny kiraŭniki palityčnych hrup Jeŭraparłamienta. Kali jany heta zrobiać, to pieršaje farmalnaje pasiadžeńnie Jeŭraniesta, biez pradstaŭnikoŭ Biełarusi, moža adbycca ŭ najbližejšyja dva miesiacy, paviedamiŭ Pratasievič.
«Heta dobraje rašeńnie, jakoje dazvolić nie błakavać pracu Jeŭraniesta, — ličyć palityk. — Pieršaje pasiadžeńnie prajšło b biez udziełu pradstaŭnikoŭ Biełarusi, a paźniej, užo ŭ miežach Jeŭraniesta, my b pryniali rašeńnie, ci addać dziesiać miescaŭ pradstaŭnikam hramadzianskaj supolnaści, ci pakinuć ich niezaniatymi da praviadzieńnia svabodnych vybaraŭ abo addać piać miescaŭ apazicyjanieram, a piać — pakinuć niezaniatymi».
Raniej mierkavałasia, što ŭ Jeŭranieście buduć zasiadać 60 jeŭradeputataŭ, a taksama pa 10 pradstaŭnikoŭ (hałoŭnym čynam parłamientaryjaŭ) ad Hruzii, Ukrainy, Armienii, Azierbajdžana, Małdovy i Biełarusi. U adnosinach da apošniaj razhladalisia roznyja varyjanty — zaprašeńnie vyklučna apazicyi abo apazicyi i piaci pradstaŭnikoŭ parłamienta. Adnak hetyja idei nie sustreli zhody ni ŭ aficyjnym Minsku, ni ŭ šerahu krain — susiedziaŭ ES. Z pryčyny roznahałośsiaŭ dahetul nie adbyłosia nivodnaha pasiadžeńnia Jeŭraniesta.
Kamientary