Sankcyi dla Prakapoviča «dzikaść», a adzinaja valuta z Rasijaj — nie dzikaść

Siońnia zasłužany budaŭnik BSSR i pa sumiaščalnictvie kiraŭnik Nacbanka Biełarusi Piotr Prakapovič zrabiŭ niekalki siensacyjnych zajavaŭ na pres-kanfierencyi ŭ Miensku.

Voźmiem u doŭh ŭsiaho 2 młrd dalaraŭ

Pa-pieršaje, Biełaruś u 2011 hodzie rezka skarocić źniešnija zapazyčańni. Pa płanach, Piotr Piatrovič dumaje pazyčyć 1 młrd jeŭrabondaŭ, 8 młrd rasiejskich rubloŭ praz raźmiaščeńnie ablihacyj u Rasiei i pa drobiazi sa srodkaŭ Jeŭrazijskaj fondu «u miežach kvoty», pieradaje «Intierfaks Zapad».

«Inšyja zapazyčańni na 2011 hod nie praduhledžanyja», — padkreśliŭ Piotr Prakapovič, nahadaŭšy, što brać u doŭh zabaraniŭ Łukašenka.

Usie nadziei Piotr Piatrovič uskładaje na AEP, ustupleńnie u jakuju čamuści dazvolić skaracić deficyt źniešniaha handlu adrazu ŭ 2 razy.

«U nas jość usie mahčymaści źnizić deficyt źniešniaha handlu da 9% VUP, heta značyć praktyčna ŭ dva razy ŭ paraŭnańni z uzroŭniem 2010 hoda», zajaviŭ hałoŭny bankir krainy.

Drukavalny stanok Rasii

Pa-druhoje, ideja ŭviadzieńnia adzinaj valuty ŭ miežach AEP z nadnacyjanalnym emisijnym centram zdajecca Piatru Piatroviču całkam realnaj.

«Pierachod na adzinuju valutu — heta narmalnaja pierśpiektyva dla ŭsich, u tym liku dla Adzinaj ekanamičnaj prastory», — skazaŭ P. Prakapovič na pres-kanfierencyi ŭ Minsku.

«Kazachstan ŭžo prapanavaŭ svaju schiemu, i my prapanujem svaju schiemu. Heta budzie adzinaja valuta ŭ miežach AEP, i ŭsie krainy buduć mieć roŭnyja mahčymaści pa jaje vykarystańni», — skazaŭ Prakapovič. Treba mierkavać, Piotr Piatrovič spadziajecca drukavać hrošy dla troch krain adrazu.

Što takoje dzikaść?

Pa-treciaje, Piotr Prakapovič ličyć dzikaściu mahčymaje ŭviadzieńnie ekanamičnych sankcyj z boku Jeŭraźviaza ŭ dačynieńni da Biełarusi.

«Uviadzieńnie ekanamičnych sankcyj u 21-m stahodździ heta, pa mienšaj miery, dzikaść», — zajaviŭ Prakapovič na pres-kanfierencyi ŭ Miensku.

Na jahonuju dumku, hetyja sankcyi buduć biezvynikovymi. «Ekanamičnyja sankcyi va ŭmovach hłabalnaj ekanomiki nie mohuć dać vynik», — ličyć kiraŭnik Nacbanka.

Pry hetym jon upeŭnieny, što Jeŭraźviaz nie vyrašycca pajści na žorstkija ekanamičnyja sankcyi ŭ dačynieńni da Biełarusi. «Ja nie baču padstavaŭ taho, što palityčnyja zajavy mohuć dajści da krytyčnych rašeńniaŭ. Ekanamičny charaktar nie dazvalaje ich pryniać», — skazaŭ P. Prakapovič.

Na jahonuju dumku, u vypadku ŭviadzieńnia sankcyj z boku JEZ, hety fakt časova ŭskładnić situacyju ŭ ekanomicy Biełarusi, ale nie ździejśnić na jaje hłabalnaha niehatyŭnaha ŭpłyvu.

• 0
• 0
• 0
• 0
• 0
• 0
• 0
• 0