Pahroza sankcyj dziejničaje: Niaklajeŭ, Chalip pieraviedzienyja pad chatni aryšt
Im zabaroniena razmaŭlać praz telefon i vychodzić z domu.
Pieršymi pra heta paviedamili łukašenkaŭskija telekanał STV i ahienctva BiełTA.
Jon udakładniŭ, što rašeńnie ab źmienie miery strymańnia pryniaŭ Kamitet dziaržaŭnaj biaśpieki. Jak adznačajecca, Niaklajeŭ i Chalip źmieščany pad chatni aryšt z vartaj.
Rašeńnie było pryniata, adznačaje BiełTA, «hruntujučysia na vynikach praviedzienych raniej śledčych mierapryjemstvaŭ, ustanaŭleńni asnoŭnych abstavinaŭ kryminalnaj spravy pa fakcie masavych biesparadkaŭ u Miensku 19 śniežnia, roli kožnaha z abvinavačanych i ich linii pavodzin sa śledstvam, pa ŭzhadnieńni z orhanami prakuratury».
Vaźniak ža pieraličany ŭ adnym śpisie vypuščanych z Korbanam, Radzinaj, Paŭłavym, Kobiecam. Ich, jak viadoma, vypuścili pad padpisku pra niavyjezd ź pierabyvańniem u horadzie rehistracyi.
Niaklajevu i Chalip pad chatnim aryštam zabaroniena razmaŭlać praz telefon i vychodzić z domu. Tamu ŭziać intervju ŭ Iryny pakul nikomu nie ŭdałosia.
Składanym psichałahičnym momantam budzie patłumačyć Daniku Sańnikavu, čamu mama nie moža vychodzić na dvor i čamu pobač uvieś čas prysutničaje varta. Ale, hałoŭnaje, Danik zaraz budzie pry mamie.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary