Ruch za Svabodu apublikavaŭ šedeŭr epistalarnaha žanru.
Ruch za Svabodu apublikavaŭ šedeŭr epistalarnaha žanru.
U internecie źjaviłasia skanavanaja viersija dakumienta, jaki sprabavali padsunuć niderłandskamu ministru ad imia «ŭsioj biełaruskaj apazicyi» i jaki vyklikaŭ abureńnie Milinkieviča.
Pryncypovaje razychodžańnie miž pazicyjaj Milinkieviča i hrupy Kazulina i «Havary praŭdu» znojdziecie na staroncy 2, u punkcie 3. Tam źmiaščajecca zaklik — anhlijskaja mova aŭtaraŭ dakumienta heta Huhł Tranślejt, ale sens tekstu jasny, — aŭtary zaklikajuć jeŭrapiejcaŭ skaardynavać ekanamičny cisk na Biełaruś z Rasijaj. «Metaj hetaj palityki maje być kaardynacyja ekanamičnaj palityki ŭ dačynieńni da Biełarusi miž ES i Rasijaj» (cytuju dasłoŭna, styl aŭtaraŭ).
Milinkievič padpisacca pad takim zaklikam nie moh. Jon vystupaje suprać pryciahvańnia Rasii da vyrašeńnia ŭnutrybiełaruskich pytańniaŭ. Dziŭna toje, jakim čynam zaklik moh źjavicca ad imia Biełaruskaj chryścijanskaj demakratyi. Na momant napisańnia artykuła Dzianis Sadoŭski byŭ niedastupny dla kamientaroŭ.
Niezaležna ad źmiestu, soramna, kali za dakumienty vydajucca papierki, dzie aŭtary robiać dźvie pamyłki ŭ naźvie miesiaca «studzień». Jeŭropa nie budzie ŭsprymać heta inačaj jak niesurjoznaść biełaruskaj apazicyi.
«Ciapier jasna, čaho «lehitymnyja pradstaŭniki Biełarusi» chočuć ad dypłamataŭ ES. Hł. punkt čaćviorty — «Treninhavy centr u Haazie» (pry sudzie? Treniravacca sudzić ARŁa?) i «Pradstaŭnictva ŭ Bruseli». Nu, heta ŭ dadatak da ofisa ŭ Varšavie», — padjałdykvaje błohierka Barilotti. [Majecca na ŭvazie Pradstaŭnictva biełaruskaj apazicyi ŭ Varšavie, adkryćcia jakoha dabilisia Kalakin, Kazulin i Šuškievič i jakoje, pavodle infarmacyi «Našaj Nivy», maje ŭznačalić Julija Słuckaja.]
Jak bačym, baraćba za status razharnułasia nie na žarty.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary