Małhažata Dmitruk jak mastak viadomaja ŭ Biełarusi z taho času, kali pryjechała vučycca na hrafika ŭ Biełaruskuju akademiju mastactvaŭ. Navat praź niekalki hadoŭ, niahledziačy na toje, što žyćcio raskidała pa roznych haradach i krainach byłych adnakurśnikaŭ i prosta studentaŭ tych hadoŭ, kožny ź ich biaź ciažkaści pryhadaŭ by sabie šyroka adkrytyja vočy i vialikuju ščyruju ŭśmiešku biełastockaj dziaŭčyny pa imieni Hosia.
Adkryćcio vystavy 28 listapada a 17-j hadzinie
Nacyjanalny muzej historyi i kultury Biełarusi
Miensk, K.Marksa, 12.
Arhanizatary vystavy: Polski Instytut u Miensku, Nacyjanalny muzej historyi i kultury Biełarusi.
Pry padtrymcy: WizyTUąca Galeria (Polšča)
Małhažata Dmitruk naradziłasia ŭ 1974 h. u Bielsku Padlaskim na Biełastoččynie.
U 1993 h. pačała vučobu na fakultecie hrafiki Biełaruskaj akademii mastactvaŭ u Miensku. U 1995–1999 h. vučyłasia na fakultecie hrafiki Varšaŭskaj akademii vyjaŭlenčaha mastactva. Dyplom z adznakaj atrymała ŭ 1999 h. u majsterni prafesara Ŭładysłava Vinieckaha.
Dadatkova dyplom žyvapisca – u majsterni prafesara Adama Styki.
Z 1995 h. pracuje ŭ eksperymentalnaj majsterni ŭ Miensku, jakuju ŭznačalvaje D.Małatkoŭ. Zajmajecca hrafikaj, žyvapisam, tkaninaj, prajektavańniem vopratki, ilustracyjaj.
Z 1999 h. adbyłosia 28 persanalnych i bolš za 50 hrupavych vystavaŭ u Polščy i za miažoj.
Z 2002 h. pracuje asystentam na katedry stankovaj hrafiki fakultetu hrafiki Varšaŭskaj akademii vyjaŭlenčaha mastactva.
* * *
Maŭhažata Dmitruk jak mastak viadomaja ŭ Biełarusi z taho času, kali pryjechała vučycca na hrafika ŭ Biełaruskuju akademiju mastactvaŭ. Navat praź niekalki hadoŭ, niahledziačy na toje, što žyćcio raskidała pa roznych haradach i krainach byłych adnakurśnikaŭ i prosta studentaŭ tych hadoŭ, kožny ź ich biaź ciažkaści pryhadaŭ by sabie šyroka adkrytyja vočy i vialikuju ščyruju ŭśmiešku biełastockaj dziaŭčyny pa imieni Hosia. Takoj voś adkrytaj śvietu jana i zastałasia, kali mierkavać pavodle pracaŭ, jakija ŭ 2003 h. uznačalvali ekspazycyju vystavy «Varšaŭskaja hrafika ŭ Miensku». Mienavita ŭ toj momant u susiedniaj stalicy zaharełasia zorka pierakanaŭčaha talentu, štodzionnaj pracavitaści i addanaści mastactvu, sabie i tvorčaści maładoj vypusknicy Varšaŭskaj akademii vyjaŭlenčaha mastactva Maŭhažaty Dmitruk.
Siońnia jaje tonkaja liryčnaja hrafika, niepazbaŭlenaja samaironii i dalikatnaha, amal biezabaronnaha adkryćcia śvietu, pradstaŭlena biełaruskamu hledaču ŭ tym pamiery, jaki dazvalaje detalova razhledzieć vobraz, stvorany mastakom.
Pačućci, vyklikanyja jaje chvalavańniami, zrazumiełyja i znajomyja kožnamu z nas. Tamu što hetyja litahrafii i aŭtarskija tkaniny ciopła i prosta apaviadajuć pra samyja zvyčajnyja i najbolš važnyja momanty ludzkoha žyćcia, napoŭnienyja śvietam i radaściu navat u składany čas, u chviliny niepapraŭnaha hora. Byccam prostyja na pieršy pohlad siužety i kampazycyi skiravanyja da kožnaha nas, dazvalajučy vykarystać mahčymaść adkazać na najvažniejšyja hłybinnyja pytańni ekzystencyi čałavieka, jak sposabu jahonaha byćcia.
Iryna Kałomienskaja
Kamientary