Ŭčora ŭ mienskim pałacy tenisu adbyŭsia matč kvalifikacyjnaha raŭndu čempijanatu Eŭropy-2007 pa nastolnym tenisie siarod žanočych kamand. U hości da biełarusak pryjechali ŭkrainki.
Ŭčora ŭ mienskim pałacy tenisu adbyŭsia matč kvalifikacyjnaha raŭndu čempijanatu Eŭropy-2007 pa nastolnym tenisie siarod žanočych kamand. U hości da biełarusak pryjechali ŭkrainki. Našy paŭdniovyja susiedki značna sastupajuć biełaruskam u mižnarodnym rejtynhu, ale matč vydaŭsia nasamreč uparty.
U pieršaj hulni syšlisia Viktoryja Paŭłovič, jakaja ŭ suśvietnym rejtynhu zajmaje 22-je miesca, adzin z najlepšych pakaźnikaŭ siarod eŭrapiejskich tenisistak, i Taciana Tkačova (333). Niahledziačy na takuju prorvu ŭ rejtynhu, ukrainka ŭziała vierch, zrabiŭšy sensacyju.
Adnak rodnaja siastra Viktoryi Vieranika Paŭłovič u nastupnaj hulni biez prablem abhulała pieršuju rakietku ŭkrainskaj zbornaj Marharytu Piasockuju – 3:1. Takim čynam, lik matču vyraŭniaŭsia.
U trecim pajadynku syšlisia maładaja biełaruska Alaksandra Pryvałava i ŭkrainka Hanna Haponava. Heta była adzinaja hulnia, u jakoj supiernica pieraŭzychodziła ŭ rejtynhu biełarusku. Ale Pryvałava z honaram vyjšła z hetaj sytuacyi, pierajhraŭšy svaju bolš daśviedčanuju supiernicu ź likam 3:1.
U apošnim matčy Viktoryja Paŭłovič zmahła reabilitavacca pierad mienskimi hledačami, pieraadoleŭšy ŭ ciažkim piacisetavym pajadynku, Marharytu Piasockuju, pryniesšy vynikovuju pieramohu zbornaj Biełarusi.
Ciapier zbornaja Biełarusi zajmaje ŭ hrupie druhoje miesca, sastupajučy tolki rasiejkam, jakija atrymali pieramohi absalutna va ŭsich matčach.
Ciapier čytajuć
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu7
Kamientary