Biełaruskija ŭłady pastanavili adhetul nie vypuskać dziaciej na azdaraŭleńnie ŭ italjanskija siemji paśla incydentu z hadavankaj domu dziciaci Vikaj Maroz. Pra heta siońnia zajaviŭ ministar adukacyi Alaksandar Radźkoŭ.
Biełaruskija ŭłady pastanavili adhetul nie vypuskać dziaciej na azdaraŭleńnie ŭ italjanskija siemji paśla incydentu z hadavankaj domu dziciaci Vikaj Maroz. Pra heta siońnia zajaviŭ ministar adukacyi Alaksandar Radźkoŭ.
«Dzieci-siroty, a ich kala čatyroch tysiač, zdolejuć pajechać na azdaraŭleńnie ŭ Italiju tolki ŭ arhanizavanyja miescy adpačynku, ale nia ŭ siemji. Heta vyklikana aściarohaj, što budzie pravakavacca sytuacyja, jak z V.Maroz», – skazaŭ byŭ Radźkoŭ u piatnicu ŭ Miensku, vystupajučy pierad deputatami abiedźviuch pałat parlamentu.
«Kali my nia majem peŭnaści, što vierniem dzicia, dyk nikoli nie damo zhody, kab jon źjechaŭ», – zajaviŭ A.Radźkoŭ, dadaŭšy, što sytuacyja z V.Maroz «była daloka nie adzinaja».
Nahadajem, siamja Džusta-Barnačyn kolki tydniaŭ niezakonna ŭtrymlivała V.Maroz u Italii, kudy dziaŭčynku ŭ składzie hrupy dziaciej, jakija majuć adchileńni ŭ fizyčnym raźvićci, pryvieźli byli na azdaraŭleńnie. 29 vieraśnia Viku viarnuli ŭ Biełaruś. Ciapier V.Maroz časova pieradali ŭ pryjomnuju siamju ŭ Žodzina, dzie žyvie jejny brat. Pa viartańni ź Italii Vika znachodziłasia ŭ adnym z reabilitacyjnych centraŭ u mieście Barysaŭ.
Kamientary