Prajekt biudžetu Biełarusi na 2007 hod budzie uniesieny na razhlad u Pałatu pradstaŭnikoŭ u pačatku nastupnaha tydnia. Ab hetym paviedamiŭ staršynia Pastajannaj kamisii Pałaty pradstaŭnikoŭ pa biudžetu, finansach i padatkovaj palitycy Siarhiej Kisialoŭ.
Prajekt biudžetu Biełarusi na 2007 hod budzie uniesieny na razhlad u Pałatu pradstaŭnikoŭ u pačatku nastupnaha tydnia. Ab hetym paviedamiŭ staršynia Pastajannaj kamisii Pałaty pradstaŭnikoŭ pa biudžetu, finansach i padatkovaj palitycy Siarhiej Kisialoŭ.
Prajekt zakonu "Ab biudžecie" na 2007 hod budzie razhladacca adnačasova z zakonaprajektam "Ab uniasieńni źmianieńniaŭ i dapaŭnieńniaŭ u niekatoryja zakony Respubliki Biełaruś u pytańniach padatkaabkładańnia". U cełym prajekt biudžetu na budučy hod raspracavany, zychodziačy ź planavanaha źnižeńnia padatkovaj nahruzki na 0,7 adsotkavaha punktu da VUP. U pryvatnaści, praduhledžvajecca admianić nadzvyčajny padatak i adličeńni ŭ dziaržaŭny fond sudziejničańnia zaniataści. Z padatkovaj bazy planujecca taksama vyniać zbory za mytnaje afarmleńnie pry ŭvozie tavaraŭ na terytoryju Biełarusi. U pieralik padakcyznych tavaraŭ nia buduć uvachodzić juvelirnyja vyraby. Namiečana taksama skasavańnie padatku na dachody ŭ vyhladzie dyvidendaŭ i specyjalnaha padatku na dachody strachavych arhanizacyj i inšyja miery. Usio heta daść mahčymaść skasavać čatyry vidy padatkovych deklaracyj i skaracić nia mienš jak 150 staronak instrukcyjnych materyjałaŭ, admianić 55 narmatyŭnych aktaŭ, ukazaŭ i dekretaŭ.
Adnym z važnych zakonaprajektaŭ, jakija taksama planujecca razhledzieć na biahučaj sesii parlamenta, jość prajekt Biudžetnaha kodeksu. Raspracoŭka Biudžetnaha kodeksu abumoŭlena nieabchodnaściu zabiaśpiečyć poŭnaje, systemnaje rehulavańnie praŭnych norm, na asnovie jakich ažyćciaŭlajecca biudžetny praces. Siońnia asobnyja normy dziejnaha biudžetnaha zakanadaŭstva nie adpaviadajuć uzroŭniu raźvićcia ekanamičnych adnosin u krainie, patrabujuć bolš šyrokaj traktoŭki i majuć patrebu va ŭkaranieńni novych padychodaŭ. Havoračy ab chadzie raboty nad dakumentam, deputat paviedamiŭ, što prajekt kodeksu "dapracoŭvajecca deputatami razam z uradam, pakolki pieršapačatkova pradstaŭleny varyjant byŭ adarvany ad realnaha žyćcia".
Pavodle słoŭ Siarhieja Kisialova, aktualnym jość taksama zakonaprajekt ab uniasieńni papravak u Kodeks Respubliki Biełaruś ab administracyjnych pravaparušeńniach, jakija datykajuć mier pa rehulavańni padatkovych adnosinaŭ. U prajekcie zakonu praduhledžana, što pa bolšaści padatkovych pravaparušeńniaŭ pamier štrafaŭ budzie źviazany sa stupieńniu ciažkaści parušeńniaŭ.
Akramia taho, na asieńniaj sesii planujecca razhledzieć zakonaprajekt ab uniasieńni dapaŭnieńniaŭ u Kodeks Respubliki Biełaruś ab administracyjnych pravaparušeńniach, što praduhledžvaje ŭzmacnieńnie adkaznaści za skažeńnie spravazdačnych danych. Dakument byŭ raspracavany z metaj naviadzieńnia naležnaha paradku ŭ pradastaŭleńni danych statystyčnaj spravazdačnaści i niedapuščeńnia skažeńnia spravazdačnych danych va ŭsich sferach ekanomiki.
Kamientary