Kali ŭ studzieni 2002 hodu tahačasny premjer-ministar Kitaja Žu Ronczi naviedvaŭ Mumbaj, małady tybecki žurnalist Tenzin Cundue zalez pa ryštavańniach na čatyrnaccaty pavierch budoŭli pierad piacizorkavym hatelem, dzie žyŭ kitajski premjer, kab razharnuć vielizarny transparant «Svabodu Tybetu».
Kali ŭ studzieni 2002 hodu tahačasny premjer-ministar Kitaja Žu Ronczi naviedvaŭ Mumbaj, małady tybecki žurnalist Tenzin Cundue zalez pa ryštavańniach na čatyrnaccaty pavierch budoŭli pierad piacizorkavym hatelem, dzie žyŭ kitajski premjer, kab razharnuć vielizarny transparant «Svabodu Tybetu». Letaś u Banhalory Tenzin raptam źjaviŭsia na dachu 200-paviarchovaha budynku akurat nad tym budynkam, dzie Ven Czibao, nastupnik Žu Ronczi, sustrakaŭsia ź indyjskimi navukoŭcami. Ryzykujučy žyćciom, jon kidaŭ uniz minakam ulotki, vyhukvajučy «Ven Czibao, vy nia možacie prymusić nas maŭčać».
Sioleta pilnyja indyjskija ŭłady napiaredadni pryjezdu ŭ aŭtorak kitajskaha kiraŭnika vykarystali zabyty artykuł kryminalnaha kodeksu časoŭ brytanskaha panavańnia i pasadzili Tenzina pad chatni aryšt ŭ himałajskim mieście Dcharamsała. Tam u vyhnańni žyvie Dałaj-Łama i sto tysiačaŭ tybeckich uciekačoŭ. Kitaj zachapiŭ Tybet u 1950 hodzie.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary