«25 listapada my planujem skłaści prahramu z roznych tvoraŭ z roznych časoŭ. Tyja, jakija my zapisvali na roznych svaich albomach. I toje, što za hety hod my zdoleli znajści i razvučyć».
25 listapada adbudziecca solny kancert hurta ŭ Pałacy prafsajuzaŭ, a pryblizna 25 śniežnia ŭ adnym z klubaŭ projdzie tradycyjnaja dla «Staroha Olsy» siaredniaviečnaja dyskateka. «I samaje vialikaje, što my robim pieršy raz u historyi svajho hurta, – raspaviadaje Źmicier Sasnoŭski, – heta vialiki hastrolny tur hetaj zimoj pa ŭsioj Biełarusi. Šeść haradoŭ na praciahu dvuch tydniaŭ. Dakładny hrafik nieviadomy, ale ŭ śniežni my dakładna syhrajem užo ŭ horadzie Homli.»
Pra toje, što budzie adbyvacca na kancercie ŭ Pałacy prafsajuzaŭ, lider kalektyvu Źmicier Sasnoŭski raspavioŭ «Jeŭrapiejskamu radyjo dla Biełarusi»: «25 listapada my płanujem skłaści prahramu z roznych tvoraŭ z roznych časoŭ tyja, jakija my zapisvali na roznych svaich albomach. I toje, što za hety hod my zdoleli znajści i razvučyć. Pa tradycyi my zaprasili ŭdzielničać u kancercie teatr «Javaryna», jaki vystupić ź siaredniaviečnymi i reniesansnymi tancami. A taksama razhladajem pytańnie, kab chacia častkova pakazać ahniavoje šoŭ, vykarystoŭvajučy tak zvany chałodny ahoń, tamu što ŭ našych załach zabaroniena vykarystoŭvać sapraŭdny. Peŭnuju častku, prykładna tracinu, budzie składać źmiest albomu «Hieraičny epas» – pieśni, jakija my tolki zaraz navučylisia jakasna vykonvać, vykarystoŭvajučy novyja instrumienty. U nas źjaviłasia niekalki vidaŭ cystr (heta pratatyp sučasnaj hitary, padobny na lutniu i mandalinu). Źjaviŭsia jašče honh, źjaviłasia niekalki šałmiejaŭ. Dva vidy dudaŭ, adzin ź jakich vielmi aryhinalny. Litaralna ŭ hetym hodzie znajšli dźvie hraviury, na jakich namalavanyja biełaruskija dudary. Pryčym, heta nie narodny typ dudaŭ, a jeŭrapiejski. I pavodle hetych hraviuraŭ majstar Todar Kaškurevič zrabiŭ instrumient, jaki my taksama ŭžo vykarystoŭvajem».
Daviedki pa kancercie 25 listapada pa teł. 6490888, 7662425
Alena Skarabahatava, «Tuzin Hitoŭ»; ERB.
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary