Spyniena rasśledavańnie kryminalnaj spravy pa fakcie darožna-transpartnaha zdareńnia, u vyniku jakoha zahinuŭ člen-karespandent Nacyjanalnaj akademii navuk Biełarusi, hramadski dziejač Ivan Nikitčanka,
paviedamili ŭ Maładziečanskim RAUS.
Nahadajem, sustrečnaje sutyknieńnie «Falksvahiena», jakim kiravaŭ Ivan Nikitčanka, z hruzavikom «ZiŁ» adbyłosia prykładna ŭ 15.00 19 listapada na 56-m kiłamietry darohi Minsk — Maładziečna — Narač. Pryčym, jak paviedamlałasia adrazu, mienavita lehkavy aŭtamabil vyjechaŭ na pałasu sustrečnaha ruchu. Vučony pamior nočču 20 listapada ŭ Maładziečanskaj rajonnaj balnicy. Pa fakcie DTZ była raspačataja kryminalnaja sprava pa č. 2 art. 317 KK (parušeńnie praviłaŭ darožnaha ruchu, jakoje paciahnuła pa nieaściarožnaści śmierć čałavieka).
Pavodle słoŭ surazmoŭcy ahienctva, kryminalnaja sprava spyniena ŭ suviazi z adsutnaściu składu złačynstva. Vinavaty ŭ DTZ pamior. Pavodle vysnovaŭ sudova-miedycynskaj ekśpiertyzy, padčas ruchu Ivanu Nikitčanku mahło stać drenna z sercam, i z-za hetaha jon vyjechaŭ na pałasu sustrečnaha ruchu, dzie adbyłosia sutyknieńnie z hruzavikom. Jakich-niebudź pieraškod, jakija mahli b prymusić jaho zrabić taki manieŭr, nie było, skazali ŭ Maładziečanskim RAUS.
Kamientary