Bi-bi-si: Pratesty ŭ Jehipcie zhasajuć

U Kairy pakrysie adnaŭlajecca narmalnaje žyćcio. Choć na płoščy Tachryr jašče zastajucca tysiačy demanstrantaŭ, vajskoŭcy pastupova vyzvalajuć ad ludziej vulicy dla ruchu aŭtatranspartu.

Karespandenty Bi-bi-si pieradajuć, što lidery demanstrantaŭ zaklikali da novaj chvali pratestaŭ z tym, kab damahčysia nieadkładnaha sychodu Chośni Mubaraka, usio pakazvaje na toje, što ŭłady biaruć situacyju pad kantrol.

Užo bolš za dva tydni ŭ Jehipcie doŭžycca palityčny kryzis — udzielniki vuličnych manifiestacyj patrabujuć adstaŭki kirujučaha krainaj 30 hadoŭ prezidenta Mubaraka. Miarkujučy pa ŭsim, nieadkładna składać svaje paŭnamoctvy jon nie maje namieru, ale, zrešty, zajaviŭ, što nie budzie ŭdzielničać u vybarach kiraŭnika dziaržavy, pryznačanych na vierasień.

Jak adznačaje karespandent Bi-bi-si ŭ Kairy Džym Mjuir, jość vierahodnaść taho, što pratestujučyja mohuć zhubić svoj zapał. Sproby niejak abvastryć situacyju z boku demanstrantaŭ, miarkuje Mjuir, amal niepaźbiežna pryviaduć da sutyknieńniaŭ z vojskam, jakoje karystajecca vialikaj pavahaj ŭ jehipieckim hramadstvie. Hetaja dylema ŭskładniajecca jašče i aściarohami ŭdzielnikaŭ masavych akcyj adnosna adpłaty z boku ŭładaŭ, jakaja moža nastupić uśled za ich adstupleńniem.

Ekanamičnyja nastupstvy

Pratesty nanieśli adčuvalny ŭdar pa jehipieckaj ekanomicy. Straty ad kožnaha dnia demanstracyj aceńvajucca na ŭzroŭni 310 miljonaŭ dalaraŭ u sutki. Asabliva adčuvalna kryzis adbiŭsia na turyźmie. Pa słovach vice-prezidenta Jehipta Amara Sulejmana, z-za masavych antyŭradavych vystupleńniaŭ kraina straciła nie mienš za 1 młn. zamiežnych turystaŭ. Dla taho, kab niejak źmiakčyć narodnuju niezadavolenaść, ułady pryniali rašeńnie pavialičyć na 15% zarpłaty i piensii rabotnikam biudžetnaj śfiery, što abyjdziecca dziaržaŭnaj kaźnie jašče ŭ 960 młn dalaraŭ. Z-za biesparadkaŭ, pavodle acenak mižnarodnaj arhanizacyi Human Rights Watch i AAN, zahinuła kala 300 čałaviek, kurs jehipieckaha funta ŭpaŭ da minimalnaj adznaki za apošnija šeść hadoŭ.

Stomlenaść

Pra stomlenaść demanstrantaŭ havorać užo davoli aktyŭna, pra heta śviedčyć i toj fakt, što, pa dadzienych brytanskaj haziety Guardian, da viečara 7 lutaha na płoščy Tachryr zastavałasia ŭsiaho tolki kala tysiačy čałaviek.

Ahienctva Asašyejted pres adznačaje, što napružańnie vuličnaha supraćstajańnia pačynaje adbivacca na jaho ŭdzielnikach, jakija praviali pad adkrytym niebam užo nie adnu noč. Drobny doždž pieratvaryŭ placoŭku na płoščy, dzie pratestoŭcy pastavili svaje pałatki, u łužynu brudu. Pratestoŭcy vidavočna adčuvajuć niedachop charčavańnia, da taho ž mnohija ź ich atrymali ranieńni ŭ chodzie sutyknieńniaŭ. Tym nie mienš, manifiestanty , što zastalisia ŭ centry Kaira, praciahvajuć nastojvać na vykanańni svaich patrabavańniaŭ.

• 0
• 0
• 0
• 0
• 0