Apieratar life:) zaprašaje ŭsich achvotnych uziać udzieł u testavańni LTE 4G 5

Mabilny apieratar life:) zaprašaje ŭsich achvotnych uziać udzieł u techničnym testavańni pierśpiektyŭnaj technałohii LTE (Long Term Evolution).

Jak paviedamili ŭ pres-słužbie ZAT «Biełaruskaja sietka telekamunikacyj», testavańnie budzie prachodzić u hateli «Minsk» (Minsk, pr-t Niezaležnaści, 11). Štodzionna ŭ budnyja dni z 28 lutaha pa 14 sakavika, z 16.00 da 18.00, supracoŭniki kampanii buduć demanstravać mahčymaści i pieravahi 4G-technałohii. Taksama śpiecyjalisty life:) adkažuć na ŭsie pytańni adnosna LTE i raźvićcia rynku telekamunikacyj u cełym.

Long Term Evolution (LTE, 4G) — pierśpiektyŭnaje (čaćviortaje) pakaleńnie mabilnaj suviazi, jakoje charaktaryzujecca vysokaj chutkaściu pieradačy danych i pavyšanaj jakaściu hałasavoj suviazi. Dziakujučy 4G abanient atrymlivaje vysakachutkasny internet, inavacyjnyja multymiedyjnyja pasłuhi, mabilnaje telebačańnie ź vidarysam uzroŭniu Full HD abo ŭ 3D-farmacie, aŭdyjo- i videakantent samaj vysokaj jakaści ŭ režymie realnaha času, novy ŭzrovień interaktyŭnych znosinaŭ.

Apieratar life:) raźličvaje ŭkaranić technałohiju LTE ŭ Biełarusi ŭ druhoj pałovie 2012-ha — pačatku 2013 hoda.

***

ZAT «Biełaruskaja sietka telekamunikacyj» — handlovaja marka life:) — było zarehistravana 5 listapada 2004 hoda. 29 lipienia 2008 hoda ŭvajšło ŭ mižnarodnuju hrupu kampanij Turkcell. Zaraz zasnavalnikami kampanii «BieST» vystupajuć Turkcell Group (80%) i Ministerstva suviazi i infarmatyzacyi Biełarusi (20%).

0

0

0

0

0

0

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH