Milicyja raspačała kryminalnuju spravu pa artykule «Niezakonny abarot narkatyčnych srodkaŭ» u adnosinach da 23-hadovaj miedsiastry adnoj ź miedycynskich ustanoŭ Maładziečna.
Načalnik štaba RAUS Ihar Šupienka paviedamiŭ «RH»: miedsiastra abvinavačvajecca ŭ tym, što na pačatku śniežnia 2010 hoda z kabinieta skrała siem recepturnych błankaŭ. Miedrabotnik zapoŭniła błanki na nabyćcio ŭ aptecy lekaŭ «Mabron». Preparat adnosicca da psichatropnych lekavych srodkaŭ.
Pa takim recepcie 15 śniežnia ŭ aptecy na vulicy Franciška Skaryny było kuplena 40 kapsuł «Mabrona». Śledstva ciapier ustanaŭlivaje čałavieka, jakomu miedsiastra pieradała recept.
Za niezakonny abarot narkotykaŭ možna atrymać abmiežavańnie svabody na termin da piaci hadoŭ albo źniavoleńnie terminam ad dvuch da piaci hadoŭ.
0
0
0
0
0
0
