Dola zamiežnych krynic u inviestycyjach u asnoŭny kapitał pavinna być nie mienšaja za 21 pracent užo ŭ 2011 hodzie. Ab hetym zajaviŭ Alaksandr Łukašenka na naradzie z novym składam urada.
«Ź siońniašniaha dnia spasyłki ŭrada, kiraŭnikoŭ arhanizacyj na adsutnaść srodkaŭ dla kapitałaŭkładańniaŭ buduć rasceńvacca jak sihnał ab prafiesijnaj niepryhodnaści», — skazaŭ jon.
Pry hetym Alaksandr Łukašenka pieraściaroh udzielnikaŭ narady: «Nie zacyklivajciesia na pryvatyzacyi i nie prymajcie pramyja zamiežnyja inviestycyi vyklučna jak prodaž dziaržaŭnaj ułasnaści. U krainie šmat terytoryj, jakija nie vykarystoŭvajucca, kvalifikavanaj rabočaj siły, mahčymaściej dla budaŭnictva pradpryjemstvaŭ z čystaha lista. Asnoŭnyja napramki invieściravańnia my pavinny vyznačać sami». U pryvatnaści, heta pavinny być inviestycyi ŭ
«Akramia taho, liču, što nastaŭ čas sfarmavać u krainie mocny i efiektyŭny finansavy rynak, zdolny stać mahnitam u pryciahnieńni mižnarodnaha finansavaha kapitału, pramych zamiežnych inviestycyj», — dadaŭ jon.
Zdajecca, Łukašenka trochi supiarečyŭ sam sabie ŭ svaich vykazvańniach. Na toj samaj naradzie jon zapatrabavaŭ uzmacnić administratyŭnaje rehulavańnie finansavaha rynku, što nie paspryjaje pryciahnieńniu inviestaraŭ u finansavuju śfieru.
«Vašaja zadača — stały pošuk surjoznych upłyvovych vierchavodaŭ biźniesu suśvietnaha ŭzroŭniu z šyrokimi kantaktami i vahoj va ŭradavych kołach, — zajaviŭ jon na naradzie ministru Martynavu. — Vy litaralna za ruku pavinnyja vieści ich siudy. Bo nam jość što prapanavać», — padkreśliŭ dyktatar. Adnačasova ad inšych ministraŭ jon patrabavaŭ vykarystańnia kantaktaŭ u ramkach tak zvanaj «sajuznaj dziaržavy», pramych prodažaŭ tavaraŭ u rehijonach Rasii.
Kamientary