Biełaruś stanie jašče bolš zasakrečanaj

U Biełarusi značna pavialičany pieralik dziaržaŭnych orhanaŭ i inšych arhanizacyj, jakija nadzialajucca paŭnamoctvami pa adniasieńni źviestak da dziaržaŭnych sakretaŭ i ich abarony.

Kiraŭnik Biełarusi padpisaŭ Ukaz № 68, jakim zaćvierdziŭ novy pieralik dziaržaŭnych orhanaŭ i inšych arhanizacyj, jakija nadzialajucca paŭnamoctvami pa adniasieńni źviestak da dziaržaŭnych sakretaŭ i ich abarony. Kali raniej u hetym pieraliku było 50 roznych arhanizacyj plus Minharvykankam i abłvykankamy, to ciapier — 58 arhanizacyj plus Minharvykankam i abłvykankamy. Inšymi słovami, pieralik sakretnych arhanizacyi vyras adrazu na 8 arhanizacyj.

Nahadajem, što pieršy pieralik takich arhanizacyj, jakija majuć prava zasakrečvać svaju infarmacyju, byŭ zaćvierdžany Łukašenkam u 2007 hodzie. Užo tady ŭ šmatlikich ekśpiertaŭ paŭstała vialikaja kolkaść pytańniaŭ adnosna taho, jakija sakrety źbirajecca chavać, naprykład, Ministerstva kultury albo Biełaruski respublikanski sajuz spažyvieckich tavarystvaŭ. U pieraliku hramadskaść ubačyła žadańnie dziaržavy adharadzicca ad svajho naroda, kab toj jak najmieniej sovaŭ nos kudy nie varta.

Novy pieralik vyklikaje jašče bolš pytańniaŭ i jašče bolš bojazi. U pieralik dadadzienyja takija całkam niesakretnyja arhanizacyi, sam pryncyp pracy jakich pavinien budavacca na maksimalnaj adkrytaści dla hramadstva.

Havorka idzie ŭ pieršuju čarhu ab Nacyjanalnaj dziaržaŭnaj teleradyjokampanii, jakaja ciapier taksama moža pładzić dziaržaŭnyja sakrety.

Niezrazumieła taksama, što budzie zasakrečvać Vyšejšaja atestacyjnaja kamisija Respubliki Biełaruś, jakaja pravodzić atestacyju čynoŭnikaŭ najvyšejšaha źviana, vyśviatlajučy, nakolki jany adpaviadajuć zajmanym imi pasadam.

Dziaržaŭnyja sakrety zmoža pładzić i Upaŭnavažany pa spravach relihij i nacyjanalnaściaŭ. Treba tak razumieć, što pry nastupnym pašyreńni pieraliku sakretnych arhanizacyj tam budzie ŭžo i BPC.

Patencyjnym inviestaram Biełarusi budzie taksama cikava daviedacca, što i Dziaržaŭnaja ŭstanova «Nacyjanalnaje ahienctva inviestycyj i pryvatyzacyi» adnosicca da śpisu sakretnych arhanizacyj, jakija majuć prava adnosić tyja ci inšyja źviestki da dziaržaŭnych sakretaŭ.

Takim čynam, uvieś novy pieralik dziaržaŭnych orhanaŭ i inšych arhanizacyj, nadzielenych paŭnamoctvami pa adniasieńni źviestak da dziaržaŭnych sakretaŭ:

Saviet Ministraŭ Respubliki Biełaruś

Saviet Respubliki Nacyjanalnaha schodu Respubliki Biełaruś

Pałata pradstaŭnikoŭ Nacyjanalnaha schodu Respubliki Biełaruś

Viarchoŭny Sud

Vyšejšy Haspadarčy Sud

Administracyja prezidenta Respubliki Biełaruś

Dziaržaŭny sakrataryjat Savieta Biaśpieki Respubliki Biełaruś

Kamitet dziaržaŭnaha kantrolu

Hienieralnaja prakuratura

Nacyjanalny bank

Upraŭleńnie spravami prezidenta Respubliki Biełaruś

Słužba biaśpieki prezidenta Respubliki Biełaruś

Apieratyŭna-analityčny centr pry prezidencie Respubliki Biełaruś

Nacyjanalnaja akademija navuk Biełarusi

Nacyjanalny statystyčny kamitet

Ministerstva architektury i budaŭnictva

Ministerstva ŭnutranych spravaŭ

Ministerstva žyllova-kamunalnaj haspadarki

Ministerstva achovy zdaroŭja

Ministerstva zamiežnych spravaŭ

Ministerstva infarmacyi

Ministerstva kultury

Ministerstva lasnoj haspadarki

Ministerstva abarony

Ministerstva adukacyi

Ministerstva pa padatkach i zborach

Ministerstva pa nadzvyčajnych situacyjach

Ministerstva pryrodnych resursaŭ i achovy navakolnaha asiarodździa

Ministerstva pramysłovaści

Ministerstva suviazi i infarmatyzacyi

Ministerstva sielskaj haspadarki i charčavańnia

Ministerstva sportu i turyzmu

Ministerstva handlu

Ministerstva transpartu i kamunikacyj

Ministerstva pracy i sacyjalnaj abarony

Ministerstva finansaŭ

Ministerstva ekanomiki

Ministerstva enierhietyki

Ministerstva justycyi

Kamitet dziaržaŭnaj biaśpieki

Dziaržaŭny vajenna-pramysłovy kamitet

Dziaržaŭny kamitet pa majomaści

Dziaržaŭny kamitet pa navucy i technałohijach

Dziaržaŭny kamitet pa standartyzacyi

Dziaržaŭny pamiežny kamitet

Dziaržaŭny mytny kamitet

Upaŭnavažany pa spravach relihij i nacyjanalnaściaŭ

Abłasnyja i Minski haradski vykanaŭčyja kamitety

Vyšejšaja atestacyjnaja kamisija Respubliki Biełaruś

Biełaruski dziaržaŭny kancern charčovaj pramysłovaści «Biełdziaržcharčpram»

Biełaruski dziaržaŭny kancern pa nafcie i chimii

Biełaruski dziaržaŭny kancern pa vytvorčaści i realizacyi tavaraŭ lohkaj pramysłovaści

Biełaruski dziaržaŭny kancern pa vytvorčaści i realizacyi farmaceŭtyčnaj i mikrabijałahičnaj pradukcyi

Biełaruski vytvorča-handlovy kancern lasnoj, drevaapracoŭčaj i celułozna-papiarovaj pramysłovaści

Dziaržaŭnaja ŭstanova «Nacyjanalnaje ahienctva inviestycyj i pryvatyzacyi»

Biełaruski respublikanski sajuz spažyvieckich tavarystvaŭ

Dziaržaŭnaja inśpiekcyja achovy žyviolnaha i raślinnaha śvietu pry prezidencie Respubliki Biełaruś

Nacyjanalnaja dziaržaŭnaja teleradyjokampanija.

• 0
• 0
• 0
• 0
• 0
• 0
• 0
• 0