U internacie dla dziaciej-invalidaŭ u Baranavickim rajonie mierznuć dzieci
Nizkaja tempieratura trymajecca i ŭ niekalkich žyłych damach. ŽKH prosić pačakać da viasny.
U hrupach doma-internata dla dziaciej-invalidaŭ z asablivaściami psichafizičnaha raźvićcia ŭ haradskim pasiołku Haradzišča Baranavickaha rajona tempieratura pavietra składaje + 14 - +15 hradusaŭ.
Telefanavańnie z takoj infarmacyjaj pastupiła na haračuju liniju Intex-press. U domie-internacie hety fakt, na žal, paćvierdzili.
«U hrupach, dzie našy dzieci zajmajucca i hulajuć, tempieratura dniom vyšej 16-17 hradusaŭ u apošnija dva tydni nie padnimajecca, — raspaviali vychavalniki doma-internata. —
Batarei ledź ciopłyja, a ŭjavicie, jak dzieciam. Bo našy vychavancy — dzieci-invalidy, jany nie mohuć šmat ruchacca, kab choć niejak sahrecca». Pa słovach supracoŭnikaŭ internata, 25 lutaha ŭ niekatorych hrupach było i zusim + 13 hradusaŭ, i heta prytym, što zhodna z sanitarnym normam pavinna być 20—22.
«Budynki doma-internata aciaplajucca drenna, niahledziačy na toje, što my znachodzimsia ŭ 50 m ad kacielni», — skazaŭ dyrektar Haradziščanskaha doma-internata Michaił Barysievič. Usiaho ŭ internacie na dadzieny momant znachodzicca 220 dziaciej, 50 ź jakich lažačyja. Kab dzieci nie mierźli, ich apranajuć ciaplej: u kofty, kurtki, a ŭ spalniach dziaciej nakryvajuć dźviuma koŭdrami.
Jak vyśvietliłasia, jašče horš iduć spravy z aciapleńniem u 18-kvaternym žyłym domie h.p. Haradzišča pa vulicy Jedunova, 50a, ciapło ŭ jaki pastupaje ad toj ža kacielni, što i ŭ dom-internat. Tempieratura ŭ kvaterach hetaha doma składaje ŭsiaho ad 7 da +12 hradusaŭ!«Znachodzicca ŭ pamiaškańniach nievynosna, — raspaviali žychary doma. — Batarei ledź ciopłyja, my kładziomsia spać u vopratcy».
Pa słovach žycharoŭ 18-kvaternaha doma, prablemy z aciapleńniem u ich byli i raniej, ale tak choładna, jak u hetym hodzie, nikoli nie było.
«My ŭciaplili ścieny ŭ spalni, pastavili škłopakiety, ale ničoha nie dapamahaje, — narakaje žycharka doma Ludmiła Ivanaŭna . — Prychodzicca abahravać kałaryfieram, uklučać haz na kuchni».
Z-za roźnicy tempieratur na ścienach i stoli źjaŭlajecca ćvil, jakaja z hadami ŭžo «prapisałasia» va ŭsich kvaterach. Žychary abryvajuć telefon u ŽKH, adnak, ich prablema da hetaha času nie vyrašana.«My nieadnarazova skardzilisia, pisali, telefanavali kamunalščykam, ale z nami jany ŭžo nie chočuć razmaŭlać, — skazała Ludmiła Ivanaŭna. — Pavodle našych skarhaŭ kamisijaj z ŽKH pravodziłasia abśledavańnie. Zamiarali ŭ kvatery tempieraturu pavietra, ale na hetym usio i skončyłasia».
Niekatoryja žychary dumajuć, što prablema ŭ palivie.
«Halinkami ŭ kacielni topiać, — aburyłasia adna z žycharak. — A jakoje ad ich moža być ciapło. Jak halinkami možna apalić vialikija budynku doma-internata, dy i jašče i naš dom».
Adnak u kacielni pasiołka karespandentu «IP» raspaviali, što paliva im pryvoziać dastatkova. Pa słovach kačaharaŭ, topiać jany torfam i drovami, ale čamu takaja nizkaja tempieratura ŭ damach, rastłumačyć tak i nie zmahli.
Prablemy z aciapleńniem u pasiołku, isnujuć i ŭ inšych damach. Tak, žychary vulicy Viežnaŭca raspaviali, što ŭ ich kvaterach tempieratura pavietra składaje ŭ siarednim 14 hradusaŭ.«U kvaterach vielmi choładna, hrejemsia kałaryfieram, hazam, — raspaviała adna z žycharak. — Niama ŭ nas i haračaj vady. Pryjšłosia kuplać bojler».
Pry tym, što ŭ adpaviednaści ź dziaržaŭnymi sacyjalnymi standartami tempieratura pavietra ŭ kvaterach nie pavinna apuskacca nižej 18 hradusaŭ.
U minułuju piatnicu ŭ pasiołku adbyŭsia schod z nahody aciapleńnia ŭ damach z pradstaŭnikami rajvykankama i rajonnaha ŽKH, na jakim žycharam paabiacali razabracca z usimi prablemami ŭ hetym hodzie.
Pakul ža žycharam prablemnych damoŭ zastajecca vieryć abiacańniam i ź nieciarpieńniem čakać viasny, jakaja ŭžo nie za harami.
Kamientaryi śpiecyjalistaŭ
«My viedajem ab prablemie z aciapleńniem i razumiejem turboty ludziej, — skazali Intex-press ŭ KUMPP ŽKH«Baranavickaje rajonnaje ŽKH». — Adnak ciapier tempieraturny režym nie dazvalaje što-niebudź zrabić, ale jak tolki paciapleje — budziem vyrašać prablemu z aciapleńniem ».
U ŽKH taksama śćviardžajuć, što ŭ jakaści asnoŭnaha paliva vykarystoŭvajuć torf i drovy i tolki častkova — halinki ad śpiłavanych dreŭ. Čamu ž u damach choładna, śpiecyjalisty raźbirajucca.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary